ටෝකියෝහිදීය (රොයිටර්)
 
ඇමෙරිකා එක්සත් ජනපදය සහ එරට වෙළෙඳ සහකරුවන් අතර ඇති වී තිබෙන වෙළෙඳ යුද්ධය උග්‍ර වීම නිසා ජපානයේ යෙන් මුදල් ඒකකයකට සාපේක්ෂව ඇමෙරිකා එක්සත් ජනපද ඩොලරය අද (26) පහත වැටිණි. 
 
ඇමෙරිකා එක්සත් ජනපදය ගෙන ඇති ආරක්ෂණවාදී පියවර සහ ඊට ප්‍රතිචාර දැක්වීමක් ලෙස යුරෝපා සංගමය එම සංගමයේ රටවල් සහ චීනය ඇමෙරිකා නිෂ්පාදන මත තීරුබදු පැනවීමෙන් වෙළෙඳ අර්බුදය උග්‍ර වී තිබේ. 
 
ඇමෙරිකාව එහි ප්‍රතිවිරුද්ධ පාර්ශවයේ වාග් ප්‍රහාර හේතුවෙන් මේ වනවිට ජාත්‍යන්තර වෙළෙඳපොළවල අවිනිශ්චිත තත්ත්වයක් හටගෙන තිබේ. 
 
ඇමෙරිකාවේ මේ වනවිට ඔවුන් වෙනත් රටවල් කරන ආයෝජන සීමා කිරීමට ද තීරණය කර තිබේ. 
 
“ඉදිරියේදී අපි වෙනත් රටවල කරන ආයෝජන සීමා කරනවා. එය චීනයට පමණක් නෙමෙයි අපේ තාක්ෂණය සොරා ගන්නා සෑම රටකටම මේ සීමා පැනවෙනවා” යැයි ඇමෙරිකා එක්සත් ජනපද භාණ්ඩාගාර ලේකම් ස්ටීවන් මනුචින් පැවැසීය. 
 
055