ජර්මනියේ රෝගීන් දෙදෙනෙකු ඝාතනය කිරීම සම්බන්ධයෙන් ජීවිතාන්තය තෙක් සිර දඩුවම් නියම වූ ජර්මන් හෙද නිලධාරියකුට හදවත් රෝගී ඖෂධ එන්නත් කිරීම මගින් තවත් රෝගීන් විශාල සංඛ්‍යාවක් ඝාතනය කළැයි   විමර්ශනයක් ආරම්භ කර තිබේ.

නීල්ස් එච් (39) නම් හෙද නිලධාරියාගෙන්   සේවය ලබාගත් පසු ජිවිතක්ෂයට පත්වූ බව කියන රෝගීන් 99 දෙනෙකුගේ මළ සිරුරු ගොඩගැනීම සඳහා අධිකරණ නියෝගයක් ද නිකුත් කර තිබේ.

එමෙන්ම එම මළ සිරුරු වලින්  27ක හෘද රෝග එන්නත අන්තර්ගත වී ඇති බව හෙළි වී ඇති අතර,  ඔහු රෝගීන් 30 දෙනෙකු දක්වා ඝාතනය කළ බව අධිකරණයේ දී කියා තිබේ.

උතුරු ජර්මනියේ ඔල්ඩන්බර්ග් දිස්ත්‍රික්කයේ අධිකරණයක ඔහුගේ නඩු විභාගය සිදු වෙයි. ඔහු රෝගීන් සුව කිරීම මගින් ප්‍රසිද්ධිය දිනා ගැනීමට ඇති ආශාවෙන් ඖෂධ නිසි පරිමාවට වඩා ලබා දී ඇති බව සදහන් කර තිබේ.

මෙම ඝාතන 2003 සිට 2005 දක්වා සිදුවූ බවද සදහන් වේ.

ඔල්ඩන්බර්ග්හිදී හා ඔහු සේවය කළ වෙනත් සායන වලද මේ වන විට පරීක්ෂණ ආරම්භ කර තිබේ. අවම වශයෙන් මල සිරුරු 200ක් පමණ පරික්ෂා කිරීමට නියමිත බව පොලිසිය පවසයි. ඔහු විසින් සිදු කළ ඝාතන සංඛ්‍යාව මීට වඩා වැඩි විය හැකි බවත් ඒ සියලුම මරණ වලට මොහු වරදකරු වුවහොත් යුද්ධයෙන් පසු වැඩිම ඝාතන සංඛ්‍යාවක් සිදු කළ පුද්ගලයා බවට පත්වනු ඇති බවත් මාධ්‍ය වාර්තා කරයි.

ඔහු කාර්ය මණ්ඩලය සමග සුහදව කටයුතු කළ හෙද නිලධාරියකු බව වෛද්‍යවරයකු ප්‍රකාශ කර තිබේ.