මොන්ගෝලියාවේ අගනුවර වන උලාන්බතාර්හි පොලිසිය විසින් සයිබර් අපරාධ ජාලයකට සම්බන්ද බවට සැකපිට චීන ජාතිකයින් 800දෙනකු අත්අඩංගුවට ගෙන ඇත.
 
ඔවුන් සතුව තිබූ පරිඝණක සිය ගණනක්, ජංගම දුරකථන හා සිම් කාඩ් තොගයක් ද රාජසන්තක කළ බව ප්‍රාදේශීය ආරක්ෂක බලධාරීහු පවසති.
 
බුද්ධි අංශ විසින් මාස දෙකක් තිස්සේ සිදුකරන ලද පරීක්ෂණවලින් පසුව ස්ථාන හතරක් වටලා මෙම අත්අඩංගුවට ගැනීම් සිදුකර තිබේ.
 
නීති විරෝධී සූදුව, පරිඝණක තුළට අනවසරයෙන් ඇතුල්වීම්, අනන්‍යතා සොරකම් කිරීම, මුදල් විශුද්ධීකරණය වැනි වැරදිවලට මෙම පුද්ගලයන් සම්බන්ධ බව සඳහන් වේ.

රැඳවුම් භාරයේ සිටින චීන ජාතිකයින් 800දෙනා දින 30ක සංචාරක වීසා මත මොන්ගෝලියාවට පැමිණ ඇත.

උලන්බතාර්හි චින තානාපති කාර්යාලය නිවේදනයක් නිකුත් කරමින් පවසා ඇත්තේ ගැටලුව විසඳා ගැනීම සම්බන්ධව මොන්ගෝලියානු පොලිසිය සමග සහයෝගයෙන් කටයුතු කරන බවයි.

(රොයිටර් පුවත් ඇසුරිණි - 085)