බද්ධ කළ ගර්භාෂයකින් උපතලබන ලොව ප්‍රථම දරුවා ලබන වසරේදී බිහිකිරීමට හැකිවන බව වෛද්‍යවරු කියති.

උපතින්ම ගර්භාෂය අහිමි වූ හෝ ගර්භාෂය ඉවත්කළ හෝ ගැහැනියකට වෙනත් අයකු විසින් පරිත්‍යාග කරන ලද ගර්භාෂයක් බද්ධකැර දරු උපතක් ලබාදිය හැකි බව ස්වීඩ්න්හි වෛද්‍ය පර්යේෂකයන් පිරිසක් කියති. ඔවුන් පවසන්නේ ළමයි නැති කාන්තාවන් නම දෙනකුට දැනටමත් ගර්භාෂ බද්ධකැර ඇති බවයි.

දරුවන් බිහිකැර තවදුරටත් දරුවන් බිහිකිරීමට අපේක්ෂාවක් නොමැති කාන්තාවකගෙන් ලබාගන්නා ගර්භාෂයක් මෙලෙස බද්ධ කරයි. දැනටමත් ගර්භාෂ බද්ධකර ගැනී‍මේ අපේක්ෂාවෙන් 15,000 ක් පමණ පිරිසක් සිටින බව ද පර්යේෂකයෝ කියති.

මෙහි එකම ගැටළුව වන්නේ අවයව ලබා ගන්නේ ජීවත්ව සිටින ධානපතියන්ගෙන් වීමයි. එයට හේතුව වී ඇත්තේ මේ ශල්‍කර්මය ජීවිත අවධානමක් පැවතීමයි. එක් වෛද්‍ය පරිසක් පවසන්නේ ගර්භාෂ බද්ධය සදහා යොදා ගත යුත්තේ මියගිය අයගේ ගර්භාෂ පමණක් බවයි. නමුත් ගර්භාෂයක් බද්ධ කිරීම සදහා එය සජීවී ආකාරයෙන් සිරුරෙන් වෙන්කැර ගැනීම වියදම් අධික ශල්‍යකර්මයකි.

ගොතන්බර්ග් විශ්ව විද්‍යාලයේ දශකයකට වඩා කාලයක් තිස්සේ සංකීර්ණ ශෛල්‍යකර්ම කරනු ලබන වෛද්‍යවරයෙක් වන වෛද්‍ය මැට් බ්‍රන්ස්ට්‍රෝම් පවසන්නේ මෙම ශෛල්‍යකර්මය නවතාලයේ එකක් බවයි. අලුත් ගර්භාෂයක් ලබාගන්නා ස්ත්‍රීන් හොඳින් කටයුතු කළයුතු බවත් ඔවුන් ඉක්මනින්ම ගර්භනීතත්වයට පත්විය යුතු බවත් වෛද්‍ය බ්‍රන්ස්ට්‍රෝම් කියා කියයි