ගිනි අවිවලින් සිදුවන අනතුරු හේතුවෙන් වසරකදී ඇමරිකානු දරුවන් 1300ක් පමණ මියයන බවත් දරුවන් 5 800ක් පමණ තුවාල ලබන බවත් ඇමරිකානු රාජ්‍ය ආයතනයක් කළ අධ්‍යයනයකින් අනාවරණය වී ඇත.

මෙම මරණ වලින් අඩකට වැඩි ප්‍රමාණයක් මනුෂ්‍ය ඝාතන බවත් 38%ක් පමණ සියදිවි හානි කරගැනීම් බවත් 6% ක් පමණ අහඹු ලෙස සිදුවූ මරණ බවත් වාර්තා වේ.

මරණයට පත් වූවන්ගෙන් 82%ක් පිරිමි දරුවන් වන බවයි. කළු පැහැති සමකට උරුමකම් කියන දරුවන් මෙලෙස මරණයට පත්වීමේ වැඩි ප්‍රවණතාවයක් පවතින බවත් එම සංඛ්‍යාව අනෙක් දරුවන්ට වඩා දසගුණයකින් පමණ වැඩි බවත් පැවසේ.

මේ අනුව  එක් දිනකදී දරුවන් 19 දෙනෙකු පමණ ගිනි අවි ආශ්‍රිත අනතුරු හේතුවෙන් මියයෑම හෝ තුවාල ලැබීම සිදුවන ඉන් පෙන්වා දෙයි.

වෙනත් සංවර්ධිත රටවලට සාපේක්ෂව ඇමරිකාවේ ගිනි අවිවලින් මියයන දරුවන්ගේ සංඛ්‍යාව ඉතා ඉහළ අගයක් ගන්නා බවද පර්යේෂකයන් අවධාරණය කර ඇත.

(බී බී සී පුවත් ඇසුරිණි - 085)