රෝගියෙකුගේ පිටෙන් මුතු ඇට 42 ක් ඉවත් කර ගැනීමට චීන වෛද්‍යවරු සමත්වූහ.

සූ ෆෙන්ග් නම් වන රෝගියා 61 හැවිරිදිය.මිීට වසර 2 කට පමණ පෙර තමාට කොන්දේ අමාරුවක් ඇතිවූවේ යැයිද ඊට ප්‍රතිකාර කිරීමට තම මිතුරෙකු කළ යෝජනාවක් පරිදි ප්‍රදේශයේ වෛද්‍යවරයෙකු හමුවීමට ගියේ යැයිද ඔහු කියයි.

පාරම්පරික චීන වෛද්‍යවරයෙකු ලෙස තමන් හදුන්වාදුන් වෛද්‍යවරයා රෝගය සුවකිරීමට කොදුනාරටිය දෙපසට මුතු ඇට ඇතුළු කළ යුතුයැයි පැවසුවේ යැයිද තමනුත් දෙවරක් නොසිතාම ඊට එකගවූවේයැයිද සූ ෆෙන්ග් පවසයි.

ප්‍රතිකාරයෙන් පසු දින කිහිපයක් සුවයක් දැනී ඇති සු ෆෙන්ග්හට තිබුණු වේදනාව දෙගුණ තෙගුණ වී දැනෙන්නට පටන් ගෙන ඇත්තේ ඉන් පසුය.එවර ඔහු ප්‍රතිකාර සදහා තෝරාගෙන තිඛෙන්නෙ රජයේ රෝහලයි.

මේ අරුම පුදුම ප්‍රතිකාරය ගැන රෝහලේ වෛද්‍යවරුද මවිතයට පත්ව සිටිති.මුතු ඇට ඇතිල්ලීම නිසා ෆෙන්ගේ කොදු ඇට ගෙවී ගොස් ඇතැයිද,උකුල් ඇටය සම්පූර්ණයෙන්ම විනාශව ගොස් ඇතැයිද ඔවුන් කියයි.

සු ෆෙන්ග්ට හානි වී ඇති සියලූ අස්ථී නොවූවත් උකුල් ඇටය  හෝ බද්ධ කිරීමට සිදුවන බව ඔවුන් පවසයි.