IMG-LOGO

2024 මැයි මස 19 වන ඉරිදා


කැරැලිකරුවෝ ඡන්ද පොළකට කඩා වැදී පස් දෙනකු මරාදමති

ඉන්දියාවේ මනිපූර් ප‍්‍රාන්ත සභා මැතිවරණය පෙරේදා (28) ආරම්භ වූ අවස්ථාවේදී, මාවෝ කැරැලිකරුවන් ඡන්ද පොළකට කඩා වැදී එල්ල කළ වෙඩි තැබීමකින් පුද්ගලයෝ පස් දෙනෙක් ජීවිතක්ෂයට පත්වූහ. මනිපූර් පොලිස්පති පි‍්‍රයා සිං ප‍්‍රකාශ කළේ එය ඉන්දීය රජයට එරෙහිව ආයුධ අතට ගෙන සිටින නාගලන්ත මාවෝවාදී බෙදුම්වාදී කැරැලිකරුවන් එල්ල කළ  ප‍්‍රහාරයක් බවය. වෙඩි ප‍්‍රහාරයෙන් මැතිවරණ නිලධාරීන් තිදෙනකු,  හමුදා භටයකු සහ සිවිල් වැසියකු ජීවිතක්ෂයට පත්වූ බව පොලිස්පතිවරයා වැඩි දුරටත් කියා සිටියි. ප‍්‍රහාරයෙන් තවත් සිවිල් වැසියෝ දෙදෙනෙක් තුවාල ලැබූ අතර ඔවුන් කඩිනමින් රෝහල් ගත කෙරුණි. මාවෝවාදී කැරැලිකරු- වන්ගේ ප‍්‍රහාරයට හසුවූයේ මනිපූර් ප‍්‍රාන්තයේ අගනුවර වන ඉම්පාල් නුවරට දකුණු දෙසින් පිහිටි තංග්පායි නමැති ගම්මානයේ ඡන්ද පොළය. මනිපූර් ප‍්‍රාන්තයේ ප‍්‍රචණ්ඩ කි‍්‍රයා ඇවිලෙන්න වූයේ මැතිවරණ කටයුතු ඇරැඹීමටත් පෙර සිටය. ඉකුත් සතියේ බෝම්බ තුනක් පුපුරුවමින් මාවෝවාදී බෙදුම්වාදීන් මනිපූර් වැසියන්ට අනතුරු අඟවා සිටියේ මැතිවරණය වර්ජනය කරන ලෙසටය. මාවෝ කැරැලිකරු- වන්ගෙන් එල්ල වූ එම තර්ජන හේතුවෙන් ඡන්ද පොළවලට විශේෂ හමුදා සහ පොලිස් ආරක්ෂාවක් යෙදවීමට මනිපූර් ප‍්‍රාන්ත මහ ඇමැති ඔක්රාම් සිං ආරක්ෂක අංශවලට උපදෙස් දී තිබේ. කැරැලිකරුවන්ගේ     ප‍්‍රචණ්ඩත්වය බහුල ප‍්‍රදේශවල ඡන්ද මධ්‍යස්ථාන එම ප‍්‍රදේශයේ පොලිස් ස්ථානවල ස්ථාපිත කිරීමට ද ප‍්‍රාන්ත බලධාරීන් කටයුතු කර තිබෙන බව වාර්තා වේ. ඊසාන දිග ඉන්දියාවේ බෙදුම්වාදී අරගල ආරම්භ වූයේ 1947 වසරේදී ඉන්දියාව නිදහස් රාජ්‍යයක් වීමෙන් පසුවය. වාර්ගීක කැරැලිකරු- වන්ගෙන් සමන්විත මාවෝවාදී  බෙදුම්වාදී කල්ලි 30 කට ආසන්න සංඛ්‍යාවක් රජය සමඟ නිරන්තරයෙන් අවි ගැටුම් ඇති කර ගනියි. මනිපූර් ප‍්‍රාන්තයේ පෙරේදා ඇරැඹුණු මැතිවරණ කටයුතු දින පහක් තිස්සේ පැවැත්වෙන බව  ප‍්‍රාන්ත මැතිවරණ කොමසාරිස්වරයා පවසයි. උතුරින් නාගලන්තය, දකුණින් මිසෝරාම් සහ බටහිරින් ඇසෑම් යන ප‍්‍රාන්තවලට මායිම් වූ මනිපූර් නැගෙනෙහිරින් බුරුම දේශ සීමාවට යාබදව පිහිටා ඇත. දිස්ති‍්‍රක්ක නවයකින් සමන්විත වන මනිපූර් ප‍්‍රාන්තයේ 1984 වසරේ සිට පැවැති මැතිවරණවලදී එක් අවස්ථාවකදී හැර තම බලය පතුරුවා ගැනීමට කොංග‍්‍රස් පක්ෂය සමත් වී ඇත. මේ වනවිටත් එහි බලය ඇත්තේ කොංග‍්‍රස් පක්ෂය සතුවය. දූෂණ සහ අක‍්‍රමිකතා සම්බන්ධයෙන් දිගින් දිගටම චෝදනා එල්ල වෙමින් සිටින ඉන්දීය අගමැති මන්මෝහන් සිංගේ කොංග‍්‍රස් පක්ෂයේ ජනපි‍්‍රයත්වය උරගා බැලීම මෙම මැතිවරණයේ ප‍්‍රධානතම අරමුණ වේ. මනිපූර් ප‍්‍රාන්ත සභා මැතිවරණයෙන් පසු ලබන සති අන්තයේදී උත්තර ප‍්‍රදේශ් ප‍්‍රාන්ත සභා මැතිවරණය ඇරැඹෙයි. උත්තර ප‍්‍රදේශ් මහ ඇමැතිනී මායාවතීට අභියෝග කිරීම කොංග‍්‍රස් පක්ෂයට විශාල අභියෝගයක් වී ඇතැයි දේශපාලන විචාරකයෝ පෙන්වා දෙති. එම අභියෝගයට මුහුණ දීමට ඉදිරිපත්ව සිටින්නේ ඉන්දියාවේ මීළඟ අගමැතිවරයා වනු ඇතැයි බොහෝ දෙනා විශ්වාස කරන  41 හැවිරිදි රාහුල් ගාන්ධිය.



අදහස් (0)

කැරැලිකරුවෝ ඡන්ද පොළකට කඩා වැදී පස් දෙනකු මරාදමති

ඔබේ අදහස් එවන්න

සයුරෙන් එතෙර

ඉරාන ජනපති: විදෙස් ඇමැති අතුරුදන්
2024 මැයි මස 19 1654 0

ඉරාන ජනාධිපති ඊබ්‍රහිම් රයිසි සහ ඉරාන විදේශ අමාත්‍ය හොසේන් අමීර්අබ්දුල්රහීන් ගමන් කළ හෙලිකොප්ටර් යානය අනතුරට පත් විය. යානයේ දෝෂයක් හට ගත් බැවින් එය හ


සෞදි රජුට හොඳට උණ
2024 මැයි මස 19 1206 0

සෞදියේ සල්මාන් රජු අසනීප තත්ත්වයකින් පසුවෙයි. රජුට ප්‍රතිකාර කරන වෛද්‍යවරුන් පවසන්නේ, රජු දැඩි උණ රෝගී තත්ත්වයකින් පසුවන බවත්, හන්දි වේදනා සහ මස්පිඩ්


ඊශ්‍රායල යුද කැබිනට්ටුවේ බෙදීමක්
2024 මැයි මස 19 108 0

ඊශ්‍රායලය, ගාසා තීරයේ හමාස් සටන්කාමීන්ට එරෙහි ප්‍රහාර ආරම්භ කළ අවස්ථාවේ යුද කැබිනට් මණ්ඩලයක් පිහිටුවීය. යුද්ධය සම්බන්ධයෙන් සියලු තීන්දු තීරණ ගන්නේ ම


වියට්නාම් මහජන ආරක්ෂක ඇමැති ජනපති වෙයි
2024 මැයි මස 19 71 0

වියට්නාමයේ පුරප්පාඩුව පැවැති ජනපති ධුරයට, එරට ආරක්ෂක ලේකම් 66 හැවිරිදි ටෝ ලාම් නම් කිරීමට, එරට කොමියුනිස්ට් පක්ෂ පාලක මණ්ඩලය පියවර ගෙන තිබේ.


රුසියාවත් ඉන්දියාවත් අතරේ වීසා ඕනෑ නැහැ
2024 මැයි මස 19 89 0

ඉන්දියාවත් රුසියාවත් අතරේ සංචාරය කරන සංචාරකයන්ට වීසා රහිතව ඔවුන්ගේ ගමන් බිමන් සිදු කර ගැනීමට අවශ්‍ය පසුබිමක් සකස් කර දීමට දෙරට අතරේ එකඟත්වයක් ඇතිකරග



මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 803 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 2357 1
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 2021 5
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site