IMG-LOGO

2025 ජුලි මස 12 වන සෙනසුරාදා


කොරෝනා මඬින්න සියල්ල කරන බව චීන ජනපති කියයි

කොරෝනා වයිරසය පරාජයට පත් කිරීමට සියල්ල කරන බව චීන ජනාධිපති ෂී ජින්පින්ග් අද (7) ඇමෙරිකා ජනාධිපති ඩොනල්ඩ් ට්‍රම්ප්ට සහතික විය. 

රටවල් 24 කට පැතිර ගොස් තිබෙන මාරාන්තික කොරෝනා වයිරසය හේතුවෙන් 640 දෙනකු මියගොස් ඇති අතර වයිරසය ආසාදනය වූවන්ගේ සංඛ්‍යාව 31,000 ඉක්මවා ගොස් ඇත.

වයිරසය සම්බන්ධයෙන් මුලින්ම අනතුරු ඇඟවූ වෛද්‍යවරයා ද ඉන් මියගිය බව අද (7) වාර්තා විය. වයිරසය සම්බන්ධයෙන් අනතුරු ඇඟවීම නිසා එම වෛද්‍යවරයා පොලිසියේ තර්ජනයට ද ලක්විය. 

චීනය ප්‍රතිඵල අත්පත් කරගනිමින් සිටින බවත් තමන්ට මෙම වයිරසය පරාජය කළ හැකි බවත් දුරකතන ඇමතුමක් දෙමින් චීන ජනාධිපතිවරයා, ඇමෙරිකානු ජනාධිපති ඩොනල්ඩ් ට්‍රම්ප්ට එලෙස දන්වා ඇත.

චීනයේ රාජ්‍ය රූපවාහිනී සේවය මේ පිළිබඳව වාර්තා කළ අතර ආර්ථික සංවර්ධනයට දිගුකාලීන ප්‍රතිවිපාක අත්නොවන බව ද ජනාධිපති ෂී ජින්පින්ග් ඇමෙරිකානු ජනාධිපතිවරයාට පවසා ඇත.

ඇමෙරිකාව කොරෝනා වයිරසය සම්බන්ධයෙන් අනවශ්‍ය බියක් ව්‍යාප්ත කරන බවට චීනය පසුගිය සතියේ දී චෝදනා කළේය.

කොරෝනා වයිරසය මැඬීමේ ජාතික සටනට සහාය වීම සඳහා චීන මහ බැංකුව පසුගිය සතියේදී එරට ආර්ථිකයට යුවාන් ට්‍රිලියන 1.2ක (ඇමෙරිකානු ඩොලර් බිලියන 173ක) මුදලක් මුදා හැරියේය.

චීනය යනු ලොව දෙවැනි විශාලතම ආර්ථිකයට හිමිකම් කියන රටය. චීනයේ පළමු කාර්තුවේ ආර්ථික වර්ධන වේගය සියයට 2ක් හෝ ඊට වැඩි අගයකින් හෝ මන්දගාමී වූ බව ආර්ථික විශ්ලේෂකයෝ පෙන්වාදෙති.

අවසන් කාර්තුවේදී චීන ආර්ථික වර්ධන වේගය  6% ක් විය. කෙසේ නමුත් වයිරසය දිගින් දිගටම පැවැතියහොත් ආර්ථික වර්ධන වේගය තවදුරටත් පහළ වැටෙනු ඇතැයි ද ඔවුහු කියති.

පසුගිය මැයි මාසයෙන් පසුව චීන කොටස්පොළවල වාර්තා වූ දුර්වලම සහ නරකම සතිය මේ සතියේදී වාර්තා විය. මේ තත්ත්වය ආසියානු කලාපයේ කොටස් වෙළෙඳපොළ රැසකදී දැකගන්නට ලැබිණි. දින කිහිපයක් ප්‍රතිලාභ ලැබුවද මූල්‍ය වෙළෙඳපොළ බොහෝමයක් පහත වැටී ඇත. 

රොයිටර්

055



අදහස් (2)

කොරෝනා මඬින්න සියල්ල කරන බව චීන ජනපති කියයි

lanka Friday, 07 February 2020 07:17 PM

චීනය කියන්නේ ජනතාවට නිදහසේ අදහස් ප්‍රකාශ කිරීමේ අයිතිය නැති රටවල් අතළොස්සෙන් ඉහළින්ම ඉන්න රටක්... ඒ වගේම උද්ඝෝෂණ බැහැ. තම රටේ අභ්‍යන්තර ප්‍රශ්න ලෝකයට හංගන රටවල් වලින් එකක්... මේ කොරෝනා වෛරසය සහ එහි භයානකකම තවමත් සත්‍ය වශයෙන්ම පිටරටවල් දැනටත් දන්නේ නැහැ. එහි සත්‍ය පුවත් චීනය ලෝකයට දෙන්නේ නැහැ.

:       12       3

Rohana Saturday, 08 February 2020 06:17 AM

චීන පොලිසියත් යමක ඇත්ත නැත්ත සොයා නොබලා කටයුතු කර ඇති බවයි පේන්නේ...

:       5       0

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 336 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 863 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 1279 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site