කි‍්‍රයාත්මක කිරීමට කපිතාන්වරුන් අවශ්‍ය නොවන නාවික ප‍්‍රහාරක යාත‍්‍රා නුදුරේදීම සිය නාවික හමුදා බළඇණි වලට එක්කර ගැනීමට ඇමරිකාව හා බි‍්‍රතාන්‍යය සැළැසුම් කරයි.

මේ යාත‍්‍රා සැගවී පහර දෙන ගණයට වැටේ.එනම් සතුරාට නොදැනෙන සේ කිට්ටු වී ප‍්‍රහාර එල්ල කිරීමට හැකිය.යාත‍්‍රාව හැසිරවීමට එහි කිසිවෙකුත් සිටීම අවශ්‍ය නොවන අතර ඒ සියල්ල සිදුකෙරෙනුයේ බොහෝ දුර පිහිටි දුරස්ථ පාලක මධ්‍යස්ථානයකිනි.යාත‍්‍රවේ සවිකර ඇති

කැමරා වලින් ලැබෙන දර්ශන දුරස්ථ පාලක මධ්‍යස්ථානයට සම්පේ‍්‍රෂණය කෙරෙන අතර ඒවා ආධාරයෙන් යාත‍්‍රාවේ ගමන තීරණය කිරීමට දුරස්ථ පාලක මධ්‍යස්ථානයේ සිටින්නාට හැකියැයි මේ කැමරා අදුරේදී පවා පැහැදිලි දර්ශන ලබාදීමට සමත්ය.තුවක්කුවක්,දැල් විදිනයක්,ගිනි විදිනයක් ආදී අවි වලින්ද යාත‍්‍රාව සන්නද්ධය.සතුරු යාත‍්‍රා හමුවේ මේ අවි කි‍්‍රයාත්මක කිරීමද දුරස්ථ පාලක මධ්‍යස්ථානයේ සිටම කළ හැක.සතුරු යාත‍්‍රාවල රේඩාර් පද්දතීන්ගෙන් මෙවන් යාත‍්‍රාවක් හදුනාගනු ඇතැයි බිය විය යුතු නැත.ඒ රේඩාර් තරංග වලට හදුනාගත හැකි නොවන සේ යාත‍්‍රාව නිපදවා ඇති බැවිනි.

අශ්ව බල 500 ක එන්ජින් දෙකකිම් මේ යාත‍්‍රාවක් ජව ගැන්වේ.අඩු වේගයකින් ධාවනය කරන්නේ නම් දින 10 ක් පමණ නැවත ඉන්ධන පිරවීමකින් තොරව මෙහෙයුම් කටයුතු සදහා යොදා ගත හැකි බව නිර්මාපකයන් කියයි.මෙවැනි යාත‍්‍රා මොඩල කිීපයක්ම නිපදවා ඇති අතර ඒවා නිපදවීමට වැයවන මුදල පවුම් ලක්ෂ 2 සිට පවුම් ලක්ෂ 20 අතර වන බව සදහන්ය.

යාත‍්‍රාව කි‍්‍රයාත්මක කිරීමට කිසිවෙකුත් එහි සිටීම අවශ්‍ය නොවන බැවින් මෙහෙයුම් වලදී මේ යාත‍්‍රාව බොහෝ ප‍්‍රයෝජනවත් වනු ඇතැයි ආරක්ෂක විශේෂඥයන් මත පළ කරයි.සතුරාට පහරදීමට පමණක් නොව දිවි බේරා ගැනීමේ මෙහෙයුම්,ප‍්‍රවාහන මෙහෙයුම් සදහාද මේ යාත‍්‍රාව භාවිතා කළ හැකි වනු ඇතැයි ඔවුන් කියයි.