2025 ජුලි මස 03 වන බ්‍රහස්පතින්දා
2025 ජුලි මස 03 වන බ්‍රහස්පතින්දා
කැනඩාවේ නව අගමැති ජස්ටින් ට්රුඩෝ තම ආරක්ෂක ඇමැති වශයෙන් තෝරාගෙන ඇත්තේ එරට පුරවැසිභාවය ලබා කැනඩාවේ හැදී වැඩි පසුව කැනඩා පොලිස් සේවයේ සහ යුද හමුදාවේ සේවය වෙනුවෙන් ගෞරව බුහුමානයට ලක්වූ ඉන්දිය ජාතික හර්ජිත් සිං සජාන්ය.
1970 වේදී ඉන්දියාවේ උපත ලද ඔහු කැනඩාවට පැමිණියේ වයස අවුරුදු පහේදිය. වැන්කුවර්හි ජීවත්වූ ඔහු මුලික අධ්‍යාපනය අවසන් කළ පසු කැනඩා පොලිස් සේවයට බැඳී රහස් පරීක්ෂකයකු ලෙස කටයුතු කර ඇත. 1989 දී ඔහු කැනඩා යුද හමුදාවට බැඳී ඇත. යුද හමුදාවේ සේවය කළ කාල වකවානුව තුළ ඔහු බොස්නියාව සහ ඇෆ්ගනිස්ථානය ඇතුළු විදේශ සටන් පෙරමුණු කිහිපයකම එක්සත් ජාතීන්ගේ හමුදා සේවයෙහි කටයුතු කර ඇත්තෙකි. කැනඩා හමුදාව තුළ ඔහු දැක්වූ රණශුරත්වය හේතුවෙන් 2011 දී ඔහු බ්‍රිටිෂ් කොලොම්බියා රෙජිමේන්තුවේ අණදෙන නිලධාරී තනතුරට පත්කරනු ලැබිය.
කැනඩා යුද හමුදාවේ එවන් වගකිව යුතු තනතුරක් සඳහා උසස් වීමක් ලද ප්‍රථම ඉන්දියා ජාතිකයා වීමේ ගෞරවය හිමිවන්නේද ඔහුටය.
ඔක්තෝබර් මාසයේ පැවැත්වුණ මහ මැතිවරණයේදී වැන්කුවර් දකුණ මැතිවරණ කොට්ඨාසය සඳහා ලිබරල් පක්ෂයෙන් තරඟකොට ජයග්‍රහණය කළ ඔහු නොවැම්බර් 4 නව රජයේ ආරක්ෂක ඇමති වශයෙන් දිවුරුම් දුන්නේය.
කැනඩාවේ නව ආරක්ෂක ඇමැති ලෙස දැවැන්ත වගකීමක් තමන් වෙත පැවරෙන බව පැවසු ඔහු තම රටේ ආරක්ෂාව උපරිම මට්ටමෙන් රැකගැනිම, නවීන මාදිලියේ එෆ් 35 ප්‍රහාරක ජෙට් යානාවක් නිර්මාණය කිරීම සඳහා ඇමෙරිකාව සමඟ කැනඩා රජය ඇතිකර ගත් ඇති සහයෝගිතා සම්මුතියෙන් ඉවත්වීම සඳහා අවශ්‍ය කටයුතු සම්පාදනය කිරීම, කැනේඩියා හමුදාවන්හි සේවය කරන භටයින් වෙත එල්ලවී ඇති බරපතල ලිංගික විෂමාචාර චෝදනා පිළිබඳව සොයාබලා එවැනි ක්‍රියාදාමයන් සිදුවීම වැළැක්වීම සඳහා පියවර ගැනීම සහ යුදමය වාතාවරණයක් ඇති විදෙස් රටවල සේවය සඳහා යොදවා ඇති කැනේඩියා සේනාංක හැකි ඉක්මනින් ආපසු ගෙන්වා ගැනීම සඳහා පියවර ගැනීම ප්‍රමුඛ වන බවද කිවේය.
![Harjit_Sajjan2[1]](https://bmkltsly13vb.compat.objectstorage.ap-mumbai-1.oraclecloud.com/cdn.lankadeepa.lk/admin/wp-content/uploads/2015/11/Harjit_Sajjan21.jpg)
![harjit-sajjan-2014[1]](https://bmkltsly13vb.compat.objectstorage.ap-mumbai-1.oraclecloud.com/cdn.lankadeepa.lk/admin/wp-content/uploads/2015/11/harjit-sajjan-20141.jpg)
![harjit-sajjan-and-family[1]](https://bmkltsly13vb.compat.objectstorage.ap-mumbai-1.oraclecloud.com/cdn.lankadeepa.lk/admin/wp-content/uploads/2015/11/harjit-sajjan-and-family1.jpg)
2025 ජුලි මස 01
242
1
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
2025 ජුනි මස 26
738
0
එදා මෙදාතුර ශ්රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
2025 ජුනි මස 25
140
0
xඅඛණ්ඩව 8වන වරටත් ‘ඉහළම ජනාදරයට පත් ජීවිත රක්ෂණ සන්නාමය‘ ශ්රී ලංකා ඉන්ෂුවරන්ස් ලයිෆ් (SLICLL) නැවත වරක් මෙරට ඉහලම ජනාදරයට පත් ජීවිත රක්ෂණ සන්නාමය ලෙස LMD හි
කැනඩා ආරක්ෂක ඇමැති ඉන්දියානුවෙක්
සනත් ගුණවර්ධන ස්විස් Thursday, 05 November 2015 01:14 PM
කැනඩාවේ, ඇමරිකාවේ සහ බටහිර රටවල ඔහොම වුණාට අපේ ලංකාවේ ඕවා වෙන්නේ නැහැ (නි)
රුවන් සිරිවර්ධන Thursday, 05 November 2015 07:26 AM
මේ රටවල සුදුස්සාට සුදුසු තැන ලැබෙනවා. (නි)
ජයවීර Thursday, 05 November 2015 07:48 AM
ඔන්න නියම යහපාලනය! (නි)
කුමාරගම Thursday, 05 November 2015 02:11 PM
ඔන්න බලන්න ඒ රටවල් වල වෙනස! (නි)
කැළුම් Thursday, 05 November 2015 02:13 PM
අපේ රටේ නම් කවදාවත් මෙහෙම දෙයක් දකින්න ලැබෙන එකක් නැහැ (නි)
විරාජ් Friday, 06 November 2015 04:11 AM
මහා බැංකු අධීපති මහා දවල් ගෙවල් බිදිදීත් ඉන්දියාවෙන් ඇවිත් අහක බලන් හිටපු ශිලාචාර ඇමරිකානුවන්ට වැඩිය හොද ජාතියක් අපි (ම)
මොහාන් Thursday, 05 November 2015 09:32 AM
යහපාලනය නෙමෙයි දැන් නම් (ම)
ලක්ෂිත පැරිසිය Thursday, 05 November 2015 06:54 PM
ඇසළ, ඔබ හරි (නි)
ඇසළ Thursday, 05 November 2015 09:52 AM
පොඩි වෙනසයි තියෙන්නේ. එහෙ ඡන්දෙන් දිනලා ඇමතිකම ගන්නවා. අපේ ඡන්දෙන් පැරදිලා ඇමතිකම ගන්නවා. කොහොමද වෙනස? (නි)
උදය Thursday, 05 November 2015 10:38 PM
ඒක තමයි ඒ රටවල් දියුණු... (නි)
ජනක Thursday, 05 November 2015 10:38 PM
ලංකාවේ මිනිසුන් දුරදිග හිතන්නේ නැති කොටසක්. හැබැයි අතීත අපේ මුතුන් මිත්තන් කර තිබෙන වීරකම් ගැන පම්පෝරි ගහන්න නම් හරිම දක්ෂයි (නි)
චතුරි Thursday, 05 November 2015 11:05 PM
අපිට වෙන රටක පුරවැසිකම ලැබුනහම ලංකාවේ පුරවැසිකම අහෝසි කරනවා. එහෙම එකේ ඇමතිකම් තියා මන්ත්‍රීකමක්වත් දෙයිද දන්නෙ නැහැ (නි)
නුවන් Thursday, 05 November 2015 03:23 PM
අපේ රටේ වෙන ජාතිකයෙක් ඔය වගේ තනතුරකට පත් වුණා නම් ලංකාවේ මිනිස්සු ජාතිවාදෙ අවුලන හැටි බලන්න තිබුණා.ලංකාව කවදා මේ වගේ මිනිස්සුන්ගේ අයිතිවාසිකම් දිහා මීට වඩා ප්‍රගතිශීලී විදියට බලන තැනකට පත් වෙයිද දන්නේ නෑ ..(රේ)
ගීතා Friday, 06 November 2015 01:50 AM
සික් ජාතිකයෝ කොහොමත් බොහොම ශක්තිමත් රණශූරයෝ කියලා ඉන්දියානු ජාතිකයෝ කියනවා. (නි)
අබරන් Thursday, 05 November 2015 06:49 AM
හින්දි චිත්‍රපටියක් සැබෑ වෙලා. (ස)
පිටබැද්දර ජයා Thursday, 05 November 2015 12:35 PM
ඔන්න අපි ජය වේවා කිවුවා අපේ අසල්වැසියාට! (නි)
මොහාන් Thursday, 05 November 2015 07:12 AM
ඒක ඉතින් එයාගේ කැමැත්තනේ! (නි)