ඕස්ටේ‍්‍රලියානු මහ මැතිවරණය අද (7) පැවැත්වීමට නියමිත අතර පාලක කම්කරු පක්ෂයේ නායක අගමැති කෙවින් රුඞ්ට දිගටම බලයේ රැඳී සිටීමට ජනවරමක් හිමිවනු ඇතැයි ජනමත සමීක්ෂණවලින් පෙනී ගොස් ඇත.

ප‍්‍රධාන විපක්ෂ දේශපාලන කණ්ඩායම වන ලිබරල් පක්ෂයේ නායක ටෝනි ඇබොට්ට මෙවර ද පරාජය හිමිවනු ඇතැයි එම ජනමත සමීක්ෂණයෙන් පෙනී ගොස් ඇතැයි  ඕස්ටේ‍්‍රලියා මාධ්‍ය වාර්තා කර ඇත.

මැතිවරණය පැවැත්වීමට නියමිතව තිබුණේ ලබන 14 වැනිදාය. ඒ, අගමැති ධුරයේ සිටි ජුලියා ගිලාඞ්ගේ තීරණයකට අනුවය. කම්කරු පක්ෂයේ නායිකාව ද වූ ඇයට මීට මාස කිහිපයකට පෙර පක්ෂ නායකත්වය අහිමි විය. ඒ, පක්ෂය අභ්‍යන්තරයේ හටගත් කුමන්ත‍්‍රණයක් නිසාය. කුමන්ත‍්‍රණය මෙහෙයවනු ලැබුවේ කෙවින් රුඞ් විසිනි. ගිලාඞ්ට අගමැති ධුරයත් පක්ෂ නායකත්වයත් අහිමි වූයේ ඇය රටේ ජනතාවගේත් පක්ෂ සාමාජිකයන්ගේත් අප‍්‍රසාදයට පත් වීම නිසාය.