ඊමේල් තාක්ෂණයේ නිර්මාතෘ රේ ටොම්ලින්සන් ජීවිතක්ෂයට පත්ව ඇතැයි විදෙස් පුවත් සේවා පවසයි.

මිය යන විට 74 වැනි වියේ පසුවූ ටොම්ලින්සන් ඊමේල් නිර්මාතෘවරයා මෙන්ම ඊමේල් ලිපින සඳහා @ සලකුණ යෙදීමේ මූලිකයා ද විය.

කේම්බ්‍රිජ්හි මැසචුසෙට්ස් හි කාර්යාලයේ සේවය කරමින් සිටි ඔහු පසුගිය සෙනසුරාදා හෘදයාබාධයකින් මිය ගිය බවත් එය ස්ථිර ලෙසම තහවුරු කරගෙන ඇත්තේ අද (7) බවත් විදෙස් පුවත් සේවා කියයි.

1971 දී ආපනෙට් නමින් ඊමේල් වැඩසටහන් ආරම්භ කිරීමේ පුරෝගාමියා වූ ටොම්ලින්සන් ඇමරිකා ජාතිකයෙකි. නිව්යෝක් නුවර ඇම්ස්ටඩ්‍රෑම් හි ඔහු උපත ලැබීය. වෘත්තියෙන් ඔහු ඉලෙක්ට්‍රොනික ඉංජිනේරුවරයෙක් ද වේ.