රුසියාවේ මොස්කව් නුවර සංචාරයක යෙදෙන ඊශ‍්‍රායල අගමැති බෙන්ජමින් නෙදන්යාහු ඊයේ (14) එරට ජනපති ව්ලැඩිමීර් පුටින් හමුවී සිරියානු අර්බුදය සම්බන්ධයෙන් දීර්ග වශයෙන් සාකච්ඡා පැවැත්වීය.
ඇමෙරිකාවේ හිතවතා වන ඊශ‍්‍රායලය සිරියානු කැරැලිකරුවන්ට සහාය දෙයි. රුසියාව සහාය දෙන්නේ සිරියානු රජයටය. සිරියානු අර්බුදය විසඳීමට නොහැකි වී ඇත්තේ ලෝකය බල කඳවුරු දෙකකට වෙන් වී සිටීම නිසාය.
සිරියානු අර්බුදය විසඳීම සම්බන්ධයෙන් බි‍්‍රතාන්‍ය අගමැති ඬේවිඞ් කැමරන්, ඇමෙරිකා රාජ්‍ය ලේකම් ජෝන් කෙරී ද මොස්කව් නුවරදී පසුගියදා ජනපති පුටින් හමුවී සාකච්ඡුා පැවැත්වූහ.
ඉකුත් සතියේ ඊශ‍්‍රායලය, සිරියාවේ ස්ථාන කිහිපයකට ගුවන් ප‍්‍රහාර එල්ල කිරීම සම්බන්ධයෙන් ජනපති පුටින් ඊශ‍්‍රායල අගමැතිගෙන් කරුණු විමසීය. ඊශ‍්‍රායලය එල්ල කළ එම ගුවන් ප‍්‍රහාරයට ඇමෙරිකාවේ ද අනුමැතිය හිමිවිය.
ඊශ‍්‍රායලය කියා සිටියේ ඔවුන් එම ප‍්‍රහාරය එල්ල කළේ ලෙබනනයේ හිස්බුල්ලා සටන්කාමීන්ට සිරියානු රජයෙන් ආයුධ ලබා දීම වැළැක්වීමට කියාය.
සිරියානු ජනපති අසාද්ගේ රජය කැරැලිකරුවන්ට රසායනික අවි යොදාගෙන පහර දෙනවා යැයි චෝදනා කරමින්, එය නිමිත්තක් කර ගෙන සිරියාවට හමුදා ප‍්‍රහාරයක් එල්ල කිරීමට ඇමෙරිකාව සූදානම් වෙයි.