රජයට එරෙහිව විරෝධතා පැවැත් වූ සරසවි සිසුන් කිහිප දෙනකු අත්අඩංගුවට ගෙන ඔවුන්ට කුරිරු ලෙස වධ හිංසා කළේ යැයි ඊජිප්තු ජනපති මොහොමඞ් මොර්සිගේ මුස්ලිම් සහෝදරත්වය දේශපාලන පක්ෂ සාමාජිකයන් දෙදෙනකුට චෝදනා එල්ල වීමත් සමඟ යළිත් වරක් එම පක්ෂයට එරෙහිව ජනතා විරෝධයක් හට ගෙන තිබේ.
2011 වසරේ ඊජිප්තුවේ සිදුවූ දේශපාලන පෙරැළියෙන් පසු, පැවැති මැතිවරණයෙන් ජයග‍්‍රහණය කළ මොර්සි සහ ඔහුගේ මුස්ලිම් සහෝදරත්වය පක්ෂය රටේ අධිකරණයේ බලතල ඉක්මවා යන බවට ද ජනතාවගෙන් චෝදනා එල්ල වී ඇත.