ඉන්දීය රජයේ දූෂණ වංචාවලට විරෝධය පළකරමින් දහස් ගණනක් අනුගාමිකයන් ද පිරිවරා ගෙන නවදිල්ලි  පාර්ලිමේන්තුව තෙක් විරෝධතා පෙළපාළියක් යෑමට උත්සහ කළ යෝග ගුරුවරයකු වන බාබා රාම්දේව් පෙරේදා (13) සවස පොලිසිය විසින් අත්අඩංගුවට ගනු ලැබිය. බාබා රාම්දේව් ඇතුළු පිරිස පොලිසිය විසින් අත්අඩංගුවට ගනු ලැබීමෙන් අනතුරව නවදිල්ලි නුවර පිහිටි කී‍්‍රඩාංගනයක් වෙත ගෙන ගිය බවත් එම අවස්ථාවේදී මාර්ගය දෙපස රැස්ව සිටි පිරිස් ‘ඉන්දීය මාතාවට ජයවේවා’ යැයි කියමින් රාම්දේව්ගේ විරෝධතාවට සහාය පළ කර ඇති බවත් වාර්තා වේ. ඉන්දියාවේ ප‍්‍රධාන විපක්ෂය වන භාරතීය ජනතා පක්ෂය රාම්දේව් තම දේශපාලන අරමුණු සාක්ෂ්‍යාත් කර ගැනීම පිණිස යොදා ගන්නා බවට ඉන්දීය පාලක පක්ෂය චෝදනා කරයි. ඉන්දීය රජයේ දූෂණ වංචාවලට එරෙහිව හඬක් නගන මානව කි‍්‍රයාකාරියකු ලෙස බාබා රාම්දේව් ප‍්‍රකටය. ඔහු ගාන්ධි අනුගාමික අන්නා හසාරේ සමඟ ද ඉන්දීය රජයට එරෙහි විරෝධතා සහ උපවාස පවත්වා ඇත. අගමැති සිංගේ රජය දූෂණ වංචා නැවැත්වීමට අපොහොසත් බවත් ඉන්දියානුවන් සැවොම එක් වී රජයට එරෙහිව නැගී සිටිය යුතු වත් බාබා රම්දේව් පවසයි. රම්දේව් මීට පෙර අවස්ථා කිහිපයකදී ද රජයට එරෙහිව විරෝධතා පෙළපාළි යෑම හේතුවෙන් අත්අඩංගුවට පත් ව ඇත.