නව වෙළෙඳ ගනුදෙනු ඇති කර ගැනීමේ අරමුණින්  ඉන්දීය ජනපති මන්මෝහන් සිං ඊයේ (28)  මියන්මාරයට පැමිණ එරට නව සිවිල් රජයේ ජනපති ත්වෙන් ස්වෙන් හමුවී සාකච්ඡා පැවැත්වීය. වසර 25 කට පසු ඉන්දීය අගමැතිවරයකු මියන්මාරයට පැමිණි පළමු අවස්ථාව ද මෙයයි. අගමැති සිං, හරසරින් පිළි ගැනීමට මියන්මාර රජය කටයුතු කර තිබුණි. එම ගමනට අගමැති සිංගේ බිරිය ද එක් ව සිටියාය. අගමැති සිං සහ ජනපති ත්වෙන් ස්වෙන් අතර හමුව පැවැත්වූයේ නයිපායිඬේව් අගනුවර පාර්ලිමේන්තුවේදීය. ඉන්දීය අගමැතිවරයා පිළිගැනීමට මැති ඇමැතිවරු බොහෝ දෙනෙක් ද එම අවස්ථාවට එක්ව සිටියහ. ඉන්දීය අගමැති සිං සහ මියන්මාර රජය අතර නව වෙළෙඳ ගිවිසුම් කිහිපයකට අත්සන් තැබීම ද එම අවස්ථාවේ සිදුවූ බව විදෙස් පුවත් සේවා වාර්තා කරයි. බලශක්ති අර්බුදයකට ද මුහුණ දී සිටින ඉන්දියාව, ඒ සම්බන්ධයෙන් ද  මියන්මාරය සමඟ සබඳතා ඇති කර ගැනීමට තීරණය කළේ හමුදා පාලනය නිමාවී මියන්මාරයේ දේශපාලන පෙරැළියක් සිදුවී ඇති අවස්ථාවකදීය.මියන්මාර ජනපති ත්වෙන් ස්වෙන් (මැද) ඉන්දීය අගමැති සිංට ඇමැතිවරුන් හඳුන්වා දෙමින් ...