IMG-LOGO

ඉන්දීය අගමැති සිං චීනයේ සංචාරයක

රුසියානු සංචාරය අවසන් කිරීමෙන් පසු, ඉන්දීය අගමැති ආචාර්ය මන්මෝහන් සිං පෙරේදා (22) චීනයේ බීජීං අගනුවරට පැමිණි අතර, ඊයේ (23) ඔහු චීන අගමැති ලී කෙකියැං සමඟ සාකච්ඡා පැවැත්වීය.

සාකච්ඡාවලට දෙරට අතර පවතින දේශසීමා අර්බුදයයි. ඉන්දියාවත් චීනයත් අතර හිමාල කඳුකර ප‍්‍රදේශය ආශි‍්‍රතව දේශසීමා අර්බුදයක් නිර්මාණය වූයේ 1960 දශකයේ සිටය.

1962 වසරේ දී දෙරට අතර, දේශසීමා ආශි‍්‍රතව අවි ගැටුමක් ද හටගත්තේය. ඉන්පසු අවස්ථා ගණනාවකදී, චීනයත් ඉන්දියාවත් අතර දේශසීමා අර්බුද ගැන සාකච්ඡා පැවැත් වුණු නමුත් එය විසඳා ගැනීමට නොහැකි විය. චීන - ටිබෙට් අර්බුදයේ දී, ඉන්දියාව චීනයෙන් පලා ආ ටිබෙට් ජාතිකයන්ට සහාය දීම ද චීනයේ විරෝධයට හේතුවක් වී ඇත.

දේශසීමා අර්බුදයට අමතරව ඉන්දියාවත්, චීනයත් අතර රාජ්‍යතාන්ති‍්‍රක මිතුදම් ශක්තිමත් කර ගැනීම කෙරෙහි ද අගමැති සිංගේ අවධානය යොමුවිය.
ඉන්දියාව ඇමෙරිකාවේ හිතවතකු වීම කලක පටන් චීනයේ විරෝධයට හේතුවක් වී ඇත. ඇමෙරිකාව ආසියානු කලාපයේ බලය තහවුරු කර ගැනීමට උත්සහ දැරීම ද චීනයේ දැඩි විරෝධයට හේතුවක් වී තිබේ.

ඇමෙරිකාව ඉන්දියාවට සමීප වීම නිසා, චීනය පාකිස්තානයට සමීප වී සිටී. චීනයත් පාකිස්තානයත් අතර වඩා හොඳ රාජ්‍ය තාන්ති‍්‍රක සබඳතා පවතී.
මීට අමතරව කලාපීය ආරක්ෂක කටයුතු සම්බන්ධයෙන් ද ඉන්දීය අගමැති සිං සහ චීන අගමැති කෙකියැං අතරේ සාකච්ඡා පැවැත්විණි. මුහුදු සීමා ආශි‍්‍රතව පැවැත්වීමට සැලැසුම් කර ඇති නාවික අභ්‍යාස ගැන ද දෙරටේ අගමැතිවරුන් අතරේ සාකච්ඡාවට බඳුන් වූයේ යැයි චීන පුවත් සේවා වාර්තා කර ඇත.

 

අගමැති සිං චීන අගමැති හමුවී සාකච්ඡා කරමින් ...

 



අදහස් (0)

ඉන්දීය අගමැති සිං චීනයේ සංචාරයක

දම් Thursday, 24 October 2013 02:51 PM

මට හිතෙන්නේ සිංගේ පිටිපස්සේ ඉන්නේ ඇමරිකාව. කවුද මේ සැරේ ගොනාට අන්දන්නේ.?(නදී)

:       0       0

නිල්මිණි Thursday, 24 October 2013 04:20 PM

මෙයාට අපේ රටේ තියෙන දෙයට තමයි එන්න බැරි. (නදී)

:       0       0

සිල්වා පීරිස් Thursday, 24 October 2013 01:29 AM

දෙපැත්ත කන, ඉන්දියා නිවටයන්ට වුවත්අතට අත දෙන චීනය සදා දිනේවා! (අ)

:       0       0

ලාල් Thursday, 24 October 2013 02:49 AM

එයා මොනවද ලොකු රටවල් වල මේ දවස්වල ගිහින් කරන්නේ? (නි)

:       0       0

චමත් [ලංකාව] Thursday, 24 October 2013 05:38 PM

ඉන්දියාව තමන්ට වැඩිය ඉහලින් ඉන්න අයට ඕන වෙලාවක දෙකට නැවෙනවා. එයාලට වැඩිය පහලින් [ යුදමය හා ආර්ථික අතින් ] ඉන්න අයට පාට් දානවා.(නදී)

:       0       0

දොඩන්ගොඩ Thursday, 24 October 2013 01:45 PM

ඉන්දියාව ඉන්නේ ලොකු කනස්සලකින් ලංකාව චීනය සමග පවත්වන ලබැඳි මිත්‍රකමට. (නි)

:       0       0

කුමාරි Thursday, 24 October 2013 09:10 AM

බලන් ගියාම ඔක්කොම කරන්නේ එක එක රටවල් වලින් ඒ රටවල් වලට කැල්ලක් අල්ලගන්න එකයි.සමගියෙන් ඉන්නනම් ඕන දෙකට හෝයියා කියල ඉන්න වෙනවා. තණ්හාව දුකට මුලයි කියල කවුරුත් දන්නැද්ද? (ස)

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්. 2025 ජුලි මස 15 65 0
අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්.

ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්‍රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී

පාසල් දරුවන්ට හිස්වැසුම් බෙදා දීම 2025 ජුලි මස 14 277 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 127 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

Our Group Site