ඉන්දීය අගමැති ඉන්ධන වෙනුවට ජීව වායු සොයයි

නවදිල්ලියේදීය (රොයිටර්)
ඉන්ධන ආනයනය සීමා කිරීම සඳහා ජෛව වායු භාවිත කිරීම වැඩි කිරීමට කටයුතු කරන බව ඉන්දීය අග්‍රාමාත්‍ය නරේන්ද්‍ර මෝදි අද (10) පැවැසීය.

වසර 2022 වනවිට ඉන්ධන ආනයනය වියදම් ඉන්දීය රුපියල් බිලියන 120කින් (එක්සත් ජනපද ඩොලර් බිලියන 1.7කින්) අඩු කිරීම වෙනුවෙන් සහ කාබන් විමෝචනය අවම කිරීම සඳහා එලෙස ඉන්ධන ආනයනය අඩු කිරීමට පියවර ගන්නා බව ඉන්දීය අගමැතිවරයා පැවැසීය.

ඉන්දියාව ලොව තෙවැනි විශාලම ඉන්ධන ආනයනකරු හා පාරිභෝගිකයා ද වේ.

ඉන්දීය රුපියල් බිලියන 100ක වියදමින් ඉදිරියේදී ජෛව වායු පිරිපහදු 12ක් ඉදි කරන බවත් ඉන්දීය අගමැතිවරයා කීය.

“ලෝක ජෛව වායු දිනය” වෙනුවෙන් ඉන්දියාවේ නවදිල්ලි නුවර පැවැති උත්සවයකට එක්වෙමින් ඉන්දීය අගමැතිවරයා එම කරුණු සඳහන් කළේය.