ඉන්දුනීසියාවේ මගී ප‍්‍රවාහන නෞකාවක ඇතිවූ ගින්නකින් 23 දෙනෙකු මියගොස් 17 දෙනෙකු අතුරුදන්ව ඇතැයි විදෙස් මාධ්‍ය වාර්තා කරයි.

ගින්න ඇතිව තිබෙන්නේ ජකර්තා නුවර මුවාරා අන්ග්කේ වරායේ සිට ටිඩුන්ග් නම් දුූපතක් කරා යාත‍්‍රා කරමින් තිබූ නෞකාවකය.

ගින්න ඇතිවන අවස්ථාවේ එහි පුද්ගලයින් 230 දෙනෙකු සිට ඇති බව සදහන්ය.

දිවි ගලවාත්තවුන් පවසා තිබෙන ආකාරයට නෞකාවේ පසුපස කොටසේ ඇතිව තිබෙන ගින්න ක්ෂණිකව පැතිරීමට පටන්ගෙන ඇත.ජීවිතාරක්ෂක කබා තෝරාගැනීමට නෞකාවේ සිටියවුන් අතර පොරයක් ඇතිවූ බවද, ඒ අතර ඇතැම් අය මුහුදට පැන දිවිගලවාගත් බවද, ඔවුන් කියා ඇත.

පුද්ගලයින් 194 දෙනෙකුගේ දිවි ගලවාගැනීමට ඉන්දුනීසියා සහන සේවකයින් සමත්ව ඇත.

නෞකාව නියමිත ගණනට වඩා මගීන් පටවාගෙන සිට ඇති බවටද හෙළිව ඇතැයි විදෙස් වාර්තා වල වැඩිදුරටත් දැක්වේ.