මරාගෙන මැරෙන බෝම්බකරුවන් ඇෆ්ගනිස්ථාන පාර්ලිමේන්තු ගොඩනැගිල්ලට ප්‍රහාර එල්ල කර ඇතැයි අල් ජසීරා පුවත් සේවය කියයි.

අද උදෑසන කාබුල් නුවරදී එල්ලවූ මෙම ප්‍රහාරයේ වගකීම තලේබාන් ත්‍රස්වාදීන් බාරගෙන ඇතැයිද වාර්තාවේ.

මරාගෙන මැරෙන බෝම්බකරුවන් පාර්ලිමේන්තු ගොඩනැගිල්ල පිටත බෝම්බ 6ක් පමණ පුපුරවා ඇතැයි එරට පුවත් සේවා පවසයි. මේ මොහොත වන විට පාර්ලිමේන්තුව සම්පූර්ණයෙන් හිස්ව ඇති බවත් දුමින් පිරී ඇති බවත් වාර්තාවේ.

එහි සිටි පාර්ලිමේන්තු සාමාජිකයන් ඉවත් කිරීමට වහා පියවර ගත් බවත් එරට ප්‍රවෘත්ති සේවා කියයි.