පිලිපීනයේ සෙබූ ගුවන්තොටුපලේ සිට දකුණු කොරියාව බලා පියාසර කල ගුවන් යානයක දොරක් නිසි පරිදි වසා නොතිබීම හේතුවෙන් ගුවන් යානය නැවත හරවා එවා ඇතැයි සීඑන්එන් පුවත් සේවය වාර්ථා කරයි. යානය ගුවන් ගතවී මිනිතිතු 40කට පමණ පසු  කාර්යමණ්ඩල සාමාජිකයෙකුට ඇසුණු ශබ්දයක් පරීක්ෂා කිරීමේදි දොරෙහි හිඩසක් තිබෙන බව අනාවරණය වී ඇත. 

යානයේ මගීන් 163දෙනකු සිටි බවත් ඔවුන්ට කිසිදු අනතුරක් සිදුවී නොමැති බවත් ගුවන් සමාගමේ බලධාරීන් ප්‍රකාශ කරයි. මෙම සිදුවීම වන අවස්ථාවේ යානය අඩි 10,000 පමණ ඉහළින් පියාසර කරමින් තිබී ඇත.

මෙම යානය කොරියාවේ අඩු මිල ගණන් යටතේ ප්‍රවාහන සේවා සපයන ගුවන් සමාගමකට අයත් එකකි. පිළිසකර කිරීමෙන් පසු පැය 15ක් පමණ ප්‍රමාද වි යානය නැවත ගුවන්ගතවී  ඇති අතර මගින්ට සිදුවූ අපහසුතාවය වෙනුවෙන් වන්දි වශයෙන් මුදල් ගෙවා ඇත.