ඇමෙරිකාව තලෙයිබාන් සංවිධානය සමග පැවැත්වීමට යන සාකච්ඡුා සාර්ථකවේදැයි ඇෆ්ගනිස්තානයේ දේශපාලන හා හමුදා නායකයෝ සැක පළකරති. ඇමෙරිකාව සැලසුම් කර ඇති පරිදි 2014 වසර වනවිට ඇෆ්ගනිස්ථානය සහමුලින්ම කොන්කර දැමීමට ඇමෙරිකාව තීරණය කර ඇති හෙයින් ඇමෙරිකා - තලෙයිබාන් සාකච්ඡාවල ප‍්‍රගතියක් ඇතිවේදැයි සැක මතුවෙන බව ඉස්ලාමීය ඇෆ්ගනිස්තාන ව්‍යාපාරයේ ප‍්‍රධානී හා හමුදා ප‍්‍රධානී අබ්දුල් රෂීඩ් පවසයි. ”එවැනි සාකච්ඡාවලින් සිදුවන්නේ තලෙයිබාන් හමුදාවලට වාසියක්. ඊට හේතුව ඇෆ්ගනිස්තානයෙන් සියලූම විදේශ හමුදා ඉවත්ව යෑමයි” යනුවෙන් අබ්දුල් රෂීඞ් කීවේය. තම රට, ඇෆ්ගනිස්තානයේ තලෙයිබාන් සංවිධාන නියෝජිතයන් සමග මාස 10කට ආසන්න කාලයක් තිස්සේ සාකච්ඡා පවත්වමින් සිටින බවත්, දැන් එය ප‍්‍රගතියක් කරා එළැඹෙමින් සිටින බවත් ඇමෙරිකාව රොයිටර් පුවත් සේවයට පැවැසීය. රබ්දුල් රෂීඞ් ඇෆ්ගනිස්තානයේ උතුරු සංධාන නායකයන් කීප දෙනෙකු සමග එකතුවී පසුගිය සඳුදා බර්ලිනයේ දී ඇමෙරිකානු රජයේ නියෝජිතයන් කීප දෙනෙකු මුණගැසී සාකච්ඡුා කළේය. අබ්දුල් රෂීඞ් ඇතුළු ඇෆ්ගන් නියෝජිත පිරිසගේ අදහස නම් සාම සාකච්ඡුා පවත්වනවාට වඩා ඇෆ්ගනිස්තානය තුළ බලය විමධ්‍යගත කිරීම වඩා සුදුසු බවයි.