ඇමරිකාවේ ෆ්ලොරිඩා ප්‍රාන්තයේ ඔලැන්ඩෝහි රාත්‍රී සමාජ ශාලාවක සිදුවූ වෙඩි තැබීමකින් 50 දෙනකු මියගොස් ඇතැයි එරට මාධ්‍ය වාර්තා කියයි.

සිදුවීමෙන් තුවාල ලැබූ පිරිස 52ක් පමණ වෙතැයි කියති. මෙය ත්‍රස්තවාදී ප්‍රහාරයක් ද ගෘහස්ත සිදුවීමක්ද යන්න සොයා බැලීමට පරීක්ෂණ පවත්වන බව එෆ්බීඅයි ප්‍රකාශකයකු පවසයි.

වෙඩි තැබූ පුද්ගලයාද මිය ගොස් ඇති බවත් ඔහු මිය ගියේ කෙසේද යන්න පිළිබඳ නිශ්චිත තොරතුරක් තවමත් ලැබී නැති බව ඇමරිකා ආරක්ෂක අංශ කියයි.

පසුගියදා ඇමරිකා ජනප්‍රිය ගායිකාවක වන ක්‍රිස්ටිනා ග්‍රීමිට වෙඩි තබා ඝාතනය කෙරුණේද ඔලැන්ඩෝ ප්‍රදේශයේදීය.