අන්තර් පැසිෆික් ආර්ථික සහයෝගිතා ගිවිසුමෙන් ඉවත්වීමට ඇමරිකාව තීරණය කළ බව විදෙස් මාධ්‍ය වාර්තා පවසයි.

ඇමරිකාවේ නව ජනපති ඩොනල්ඩ් ට්‍රම්ප් මහතා සිය මැතිවරණ ප්‍රතිපත්තිවලදී කියා තිබුණේ ද එම ගිවිසුමෙන් ඉවත්වීමට කටයුතු කරන බවයි. ඒ අනුව ජපානය, ඕස්ට්‍රේලියාව, මැලේසියාව, ඉන්දුනීසියාව, සිංගප්පූරුව, කැනඩාව, වියට්නාමය, පේරු හා මෙක්සිකෝ යන රාජ්‍යයන් සමග ඇමරිකා එක්සත් ජනපදයද ඇතුළත්ව සිටි අන්තර් පැසිෆික් ආර්ථික සහයෝගිතා ගිවිසුම සමග මින් ඉදිරියට ඇමරිකාව කටයුතු නොකරනු ඇත.

චීනයේ ආධිපත්‍යයට එරෙහිව ඇමරිකාවේ බලවත් බව ලොව තහවුරු කිරීමට හිටපු ජනපති බැරක් ඔබාමා මහතා මෙම ගිවිසුම අත්සන් කැර තිබිණි.