සයිබර් ප්‍රහාරයක් හේතුවෙන් ඇමෙරිකා එක්සත් ජනපදයේ ප්‍රධාන පෙලේ පුවත්පත් මුද්‍රණ හා බෙදාහැරීම් කටයුතු රැසකට බාධා එල්ල වී ඇති බව ඇමෙරිකානු මාධ්‍ය වාර්තා කරයි.

ලොස් ඇන්ජලීස් ටයිම්ස්, චිකාගෝ ට්‍රිබියුන් සහ බොල්ටිමෝර් සන් ඇතුළු ට්‍රිබියුන් ප්‍රකාශන වලට අයත් අනෙකුත් පුවත්පත්වල බෙදාහැරීම් රැසක් ප්‍රමාද වී තිබේ.

ඇමෙරිකානු ස්වදේශ ආරක්ෂක දෙපාර්තමේන්තුව,මධ්‍යම තොරතුරු කාර්යංශය සිද්ධිය සම්බන්ධයෙන් මේ වන විට පරීක්ෂණ ආරම්භ කර ඇත.

මෙම ප්‍රහාරය ඇමෙරිකා එක්සත් ජනපදයෙන් පිටත සිට පැමිණි එකක් බව විශ්වාස කරයි.

‘සමාගම පුරා ඇති සෑම වෙළඳපොළකට මෙය බලපෑම් ඇති කළා. මෙම වෛරසය හේතුවෙන් අපේ කාර්යාල පද්ධතියට දැඩි ලෙස හානි වී තිබෙනවා. ’ යැයි ට්‍රිබියුන් බෙදාහැරීම් ප්‍රකාශිකා  මාරීසා  කොලීයස් මහත්මිය නිවේදනයක් නිකුත් කරමින් පැවසුවාය.

(28535)