ඇමෙරිකාවේ උපත ලැබ යේමනයට පලා ගොස්, උතුරු අපි‍්‍රකා අර්ධද්වීපයේ කි‍්‍රයාත්මක අල් කයිඩා ත‍්‍රස්ත සංවිධානය සමඟ එක්වූ අන්වාර් අල් අව්ලාකී මරා දැමීමට සමත් වූ බව ඇමෙරිකාව පවසයි. ඇමෙරිකා හමුදා අව්ලාකී මරා දමා ඇත්තේ නියමුවන් රහිත ඩ්‍රෝන යානා යොදා ගනිමින් මිසයිල ප‍්‍රහාරයක් එල්ල කිරීමෙනි. අව්ලාකී, උතුරුදිග යේමනයේ අල් ජෝව් පළාතේ සැඟවී සිට අතර ඔහු සිටින තැන ඇමෙරිකා හමුදා දැනගෙන ඇත්තේ අත්අඩංගුවේ සිටින අල් කයිඩා සාමාජිකයකුගෙන් කළ ප‍්‍රශ්න කිරීමකදීය. උතුරු අපි‍්‍රකා අර්ධද්වීපයේ කි‍්‍රයාත්මක අල් කයිඩා සංවිධානය, යේමන රජයට මහත් හිසරදයක් වී ඇත. සටන්කාමීන් සමඟ යේමන රජයේ හමුදා නිරන්තරයෙන් ගැටුම් ඇති කර ගනී. අල් කයිඩාවට එරෙහි සටනේදී යේමන ජනාධිපති අලී අබ්දුල්ලා සාලේට ඇමෙරිකාව සහාය දක්වයි. ඊජිප්තුවේ, ටියුනීසියාවේ ලිබියාවේ සහ සෙසු අරාබි රටවල හටගත් විරෝධතා රැුල්ල යේමනයට ද පැතිර ගොස් ඇති අතර වසර 33 ක් තිස්සේ බලයේ රැුඳී සිටින ජනාධිපති සාලේට වහාම බලයෙන් ඉවත් වන්නැයි යේමන ජනතාව විරෝධතා පවත්වයි. ජනාධිපති සාලේ හමුදා බලය යොදවා එම විරෝධතා මර්දනය කරයි. මේවනතෙක්ම ජනාධිපති සාලේට සහාය දැක්වූ ඇමෙරිකාව  අල් අව්ලාකී ඝාතනය කිරීමත් සමඟ ජනාධිපති සාලේට පවසා ඇත්තේ ජනතා කැමැත්තට හිස නමා ජනපති ධුරයෙන් ඉවත් වන ලෙසය. මේ ගැන යේමන රජයේ දැඩි විරෝධය එල්ල වී තිබේ.
සානා නුවරදීය (රොයිටර්)
අල් අව්ලාකි