කාන්තා ඇදුමින් සැරසී ඉරාක ආරක්ෂක අංශ අතරින් ලිස්සා යෑමට තැත් කළ අයිඑස් අන්තවාදීන් යැයි කියන පිරිසකගේ ඡායාරූප කිහිපයක් අන්තර්ජාලයට එක්කිරීමට ඉරාක ආරක්ෂක අංශ කටයුතු කර තිබේ.

එම ඡායාරූපයන් අතර කාන්තා ඇදුමින් සැරසුණු තරුණයින් මෙන්ම වැඩිහිටියන්ද සිටී.

අයිඑස් අන්තවාදීහු කාන්තාවක අතින් මරණයට පත්වීමට දක්වන්නේ දැඩි භීතියකි.එසේ කාන්තාවක අතින් මරණයට පත්වුවහොත් සුරලොව සියළු සැපසම්පතින් පිරි දිවිය අහිමි වන බව ඔවුහු විශ්වාස කරති.එසේ විශ්වාස කරනා ඔවුන්ම කාන්තාවන්ගේ ඇදුම් වල පිහිට පැතීම විහිලූවකි.

ඉරාක ආරක්ෂක අංශ පවසන්නේ මෙම පුද්ගලයින් සටන් වලට මුහුණදීගත නොහැකිව පලා යන්නන් බවයි.අයිඑස් අන්තවාදීන්ගේ බසට රැවටී ආවද සටන් කිරීමට අණ ලැබුණු සැනෙන් බොහෝ දෙනා ඇත්ත තේරුම් ගන්නා බව ඉරාක ආරක්ෂක අංශ කියයි.

අයිඑස් අන්තවාදීන්ට එරෙහිව ඉරාක ආරක්ෂක අංශ දැවැන්ත මෙහෙයුමක් ආරම්භ කර තිබේ.ඒ සදහා ඇමරිකාව හා ඉරානයද සහය දක්වයි.

අයිඑස් බලකොටුවක් වන ටක්රිට් නගරය අත්පත් කර ගැනීම ඉරාකයේ අපේක්ෂාවයි.එම නගරය අත්පත් කර ගැනීම ඉරාකයට මූලෝපායික වශයෙන් වැදගත්ය.

26AB74EF00000578-2995737-image-m-2_1426444314095 26AB75C900000578-0-image-a-60_1426425380985 26AB744600000578-0-image-a-57_1426425344668