අයි.එස් ත්‍රස්ත කණ්ඩායම් නායක 'අබු බාකර් අල් බග්ඩාඩි' ගැන තොරතුරු සපයන්නෙකුට ඇමෙරිකානු ඩොලර් මිලියන 25ක් ලබාදීමට ඇමෙරිකා රජය තීරණය කර ඇති බව වාර්තා වෙයි.

ඔහු ගැන තොරතුරු සපයන්නකුට ඇමෙරිකානු ඩොලර් මිලියන 10ක මුදලක් ලබා දෙන බවට ඇමෙරිකා රජය 2011 දී නිවේදනය කළේය.

මෙම තෑගි මුදල වැඩි කළ නමුත් ඇමෙරිකා බුද්ධි අංශ වලට 'බග්ඩාඩි' සිටිනා ස්ථානය පිලිබද කිසිම හෝඩුවාවක් මේ වන තෙක් ලැබී නැති බව බලධාරීහු කියති.

අවසන් වරට ඔහු ගැන තොරතුරු ලැබී ඇත්තේ 2014 වසරේදී මොසුල් ඉරාකි නුවරදීය.ඉන්පසුව ඔහු හඩපටි රාශියක් නිකුත් කළ නමුත් ඔහු සිටිනා ස්ථානය සොයාගැනීමට නොහැකි විය.

මෙම වසරේදී ඇමෙරිකා ගුවන් ප්‍රහාර වලින් අයි.එස් ප්‍රබල නායකයින් රැසක් මිය ගොස් ඇති බවත් අයි.එස් නායකයාද ළඟදීම සොයාගන්නා බවත් ඇමෙරිකා රජය පවසයි.

ත්‍රස්තවාදීන් ගැන තොරතුරු ලබාදීම වෙනුවෙන් තෑගි මුදල් ලබා දීම 1984 පටන් සිදුවන බව මාධ්‍ය පවසයි.