චීනයේ ජියැංග් පළාතේ ගංඟාවකින් පැරණි කඩුවක් මතුව ඇතැයි ද එය වසර 3000ට වඩා පැරණි විය හැකියැයි ද පුරාවිද්‍යාඥයෝ කියති.

මෙය සොයාගෙන ඇත්තේ 11 හැවිරිදි දරුවකු විසිනි. ගයෝයු ප්‍රදේශයේ ලාංෂැඕලිං ගංඟාවේ දියට බැස දෑත් සෝදද්දී මේ කඩුව අතේ වැදුණු බව එය සොයා ගත්  යං ජුංග්ෂි නම් දරුවා පවසයි. ගං පතුලෙන් කඩුව ඉවතට ඇදගත් දරුවා එය සිය නිවසට ගෙනගොස් තිබේ.

මේ කඩුව හමුවීම ගැන අවට ගම්වැසියන් දැන ගැනීමත් සමග එය විශාල මිල ගණන් වලට මිලදී ගැනීමට ගැණුම් කරුවෝ පැමිණියහ. එහෙත් මෙහි වටිනාකම තේරුම්ගත් දරුවාගේ පියා එය පුරාවිද්‍යා බලධාරීන් භාරයට පත්කැර ඇත.

සෙන්ටිමීටර 26ක් දිගැති මේ කඩුව ෂැංග් අධිරාජ්‍යයාගේ හෝ ෂොං අධිරාජ්‍යයාගේ කාලයට අයත් වේ යැයි පුරාවිද්‍යාඥයෝ කියති.

කඩුව පුරාවිද්‍යාඥයන්ට ලබාදුන් පිය පුතු දෙපළට චීන රජය ත්‍යාග ලබාදී ඇත. පුරාවිද්‍යාඥයන් පවසන්නේ කඩුව හමුවූ ස්ථානයේ තවත් පුරාවිද්‍යාත්මක සාධක තිබිය හැකි බැවින් එතැන කැණීම් ආරම්භ කරන බවයි._77446266_chinasword_anhuitv - Copy