සෞදියේ ඔටුන්න හිමි මොහොමද් බින් සල්මාන් කුමරු ඝාතනය කෙරුණු මාධ්යවේදී ජමාල් කෂොක්ජිගේ පුත් සලාහ් කෂොක්ජි හමු වී අතට අත දෙන ඡායාරූපයක් ප්රසිද්ධියට පත්ව ඇත.
ඒත් සමඟම ට්විටර් සමාජ ජාලය තුළ දැඩි හා හෝවක් ඇති වූ බව ද අල් ජසීරා පුවත් සේවය වාර්තා කර තිබිණි.
සෞදි අරාබියේ රියාද් හි පිහිටි ‘යමාමා’ මාළිගයේ දී ඔටුන්න හිමි මොහොමද් බින් සල්මාන් කුමරු මාධ්යවේදී කෂොක්ජිගේ පුත් සලාහ් කෂොක්ජි සහ ඔහුගේ සොහොයුරු සහේල් මුණ ගැසුණු බව සෞදි රජයට අයත් ‘සෞදි පුවත් ආයතනය’ වාර්තා කළේය. ඔවුන් මුණ ගැසී ඇත්තේ අඟහරුවාදා (23) දිනයේදීය.
ජමාල්ගේ පුත් සලාහ් කෂොක්ජි ඔටුන්න හිමි මොහොමද් බින් සල්මාන් කුමරුට අතට අත දෙන ඡායාරූපයක් ද ‘සෞදි පුවත් ආයතනය’ ප්රසිද්ධියට පත් කර තිබිණි.
ජමාල්ගේ පුතුට සෞදියේ සල්මාන් රජු සහ ඔටුන්න හිමි කුමරුද ඔවුන්ගේ කනගාටුව පළ කළ බව ද එම පුවත් ආයතනය වාර්තා කළේය.
මාධ්යවේදී ජමාල් කෂොක්ජි ඔටුන්න හිමි මොහොමද් බින් සල්මාන් කුමරු විවේචනය කරමින් ‘වොෂින්ටන් පෝස්ට්’ පුවත්පතට ලිපි ලියන්නට පටන් ගත් දා සිට ජමාල්ගේ පුත් සලාහ් කෂොක්ජි ‘සංචාරක තහනමකට’ යටත්ව සිටි බව ‘කෂොක්ජි පවුලේ’ හිතවෙතක් ‘ඒ.පී.’ පුවත් සේවය පැවැසීය. පළිගැනීමකට හෝ හිංසාවකට ලක් වේ යැයි යන බියෙන් එම හිතවතා නම සඳහන් නොකිරීමට ද වග බලා ගත්තේය.
ජමාල් කෂොක්ජි ඝාතන සිදුවීම සම්බන්ධයෙන් සෞදියේ ඔටුන්න හිමි මොහොමද් බින් සල්මාන් කුමරුට ජාත්යන්තරයෙන් දැඩි පීඩනයක් එල්ල විය. කෂොක්ජි ඝාතනය කිරීමට අණ දුන් බවට හෝ ඔහු ඒ පිළිබඳව දැන සිටි බව ද චෝදනා එල්ල වෙමින් තිබේ.
“ඔවුන් (සෞදි රජු හා ඔටුන්න හිමි කුමරු) තමන්ගේ කනගාටුව ප්රකාශ කිරීම ඔහු (කෂොක්ජිගේ පුත් සලාහ්) රජ මාළිගයට ගෙන්වා ගත්තා. ඔහුගේ (කෂොක්ජිගේ පුත් සලාහ්) මුහුණේ හැටි බලන්න. මේ ඡායාරූපය දැක්කම මට කෑ ගහන්න හිතෙනවා” යැයි මනාල් අල් ෂරීෆ් පැවැසීය.
මනාල් අල් ෂරීෆ් යනු සෞදි අරාබියේ කාන්තා අයිතිවාසිකම් වෙනුවෙන් පෙනි සිටින්නියකි.
ජමාල්ගේ පුත් රජ මාළිගයට ගෙන්වා ගෙන ඇත්තේ ඡායාරූපයක් ගැනීමට බවත් එය ඉතාම ක්රෑර ක්රියාවක් බවත් මැද පෙරදිග මානව හිමිකම් ක්රියාකාරිකයකු සහ විචාරකයකු වන ෆාදි අල් කාදි කීය.
රජ පවුල ප්රමුඛ සෞදි නායකත්වය සහ කෂොක්ජි පවුල අතර හමුව, සෞදියේ සහ රජ පවුලේ කීර්තිනාමය ඉහළ නංවාගැනීමට කරන ලද්දක් බව අල්ජසීරා පුවත් සේවය සමඟ අදහස් දක්වමින් ‘අරාබි - බ්රිතාන්යය කවුන්සිලයේ’ ක්රිස් ඩොයිලි අල් ජසීරා පුවත් සේවයට පැවැසීය. එහෙත් ඡායාරූපයට සමාජ මාධ්යයෙන් එල්ල වූ ප්රතිචාරය ඝාතනය සම්බන්ධයෙන් සිදු වූ තවත් එක් සන්නිවේදන අසමත්කමක් බවත් හෙතෙම කීය.
“රජ පවුල කෂොක්ජි පවුල කෙරෙහි ත්යාගශීලි බව පෙන්වීමට උත්සාහ කරනවා. එහෙත් මේ ඡායාරූපය වචන 1000ක් කියනවා. සල්මාන් රජු සහ ඔටුන්න හිමි කුමරු මුණ ගැසීමෙන් සලාහ්ගේ (කෂොක්ජිගේ පුත්) තිබෙන වේදනාව අපට සම්පූර්ණ කතාව කියනවා” යැයි ඩොයිලි කීය.
“මම මේ අතට අත දෙන්නේ මගේ පියා ඝාතනය කළ පුද්ගලයාට යැයි සලාහ් (කෂොක්ජිගේ පුත්) හිතන පුතකුගේ මුහුණ ඡායාරූපයේ තිබෙනවා. සමාජ මාධ්යයෙන් මේ ඡායාරූපය දකින බොහෝ දෙනා එසේ සිතනවා ඇතැයි මම විශ්වාස කරනවා. ඒ වගේම මෙම සිදුවීම සෞදි රජ පවුල ජනතාවගේ කීර්තිය දිනාගන්න කරන ලද අසාර්ථක උත්සහායට උදාහරණයක්” යැයි ද හෙතෙම වැඩිදුරටත් කීය.
හර්ෂණ තුෂාර සිල්වා
අල්ජසීරා ඇසුරිනි
ආරක්ෂක සහයෝගීතාවක් වෙනුවෙන්, රුසියාවත් ඉරානයත් අතරේ අවබෝධතා ගිවිසුමකට අත්සන් තැබුණි. ඉරානය වෙනුවෙන් ඉරාන ජාතික ආරක්ෂක කවුන්සිලයේ මහ ලේකම් අලී අක්බා
ස්පාඤ්ඤ අග්රාමාත්ය පේඩ්රෝ සැන්චේස්ගේ බිරිඳට අල්ලස් චෝදනා එල්ල වී ඇති අතර, එම චෝදනා සම්බන්ධයෙන් වහා විමර්ශනයක් අරඹන්නැයි ස්පාඤ්ඤ අධිකරණයක් ඊයේ (24)
චීනය සමඟ යහපත් සබඳතා වර්ධනය කර ගැනීමේ අරමුණින්, ඇමෙරිකා රාජ්ය ලේකම් ඇන්තනි බ්ලින්කන් ඊයේ (25) චීනයේ බෙයිජීං අගනුවරට පැමිණියේය.
මාස දෙකහමාරක් තිස්සේ වට හතකින් පැවැත්වෙන ඉන්දීය මහ මැතිවරණයේ දෙවැනි වටය හෙට (26) ආරම්භ වෙයි. කේරළ සහ කර්ණාඨක ප්රාන්ත වැසියන්ට ඡන්දය ප්රකාශ කිරීමට අවස්
ග්රීසියේ ඇතන්ස් අගනුවර වැසියන් මවිතයට පත් කරමින්, ඇතන්ස් අහස අඳුරු වී තැඹිලි පැහැයක් ගත්තේය. මෙම අසාමාන්ය සංසිද්ධිය සම්බන්ධයෙන්, ග්රීක කාලගුණ විද
යුක්රේනයට පවුම් මිලියන 500 (ඇමෙරිකන් ඩොලර් මිලියන 500) ක යුද ආධාර පැකේජයක් යුක්රේනයට ලබා දීමට බි්රතාන්ය අග්රාමාත්ය රිෂී සුනාක් කැමැත්ත පළ කර ඇත.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
සල්මාන් කුමරු මාධ්යවේදී කෂොක්ජිගේ පුතා හමුවෙයි