ඝාතනයට ලක් වූ ලිබියා නායක කර්නල් මුවම්මාර් ගඩාෆිගේ අවසන් බලකොටුව ලෙස සැළකෙන බානි වාලිඞ් නුවර ඊයේ (3) සිදුවූ අවි ගැටුම්වලින් එක් අයකු මියගොස් අට දෙනෙක් තුවාල ලැබූහ. ගැටුම හටගත්තේ බානි වාලිඞ් නුවර සටන්කාමීන් සහ අසල්වැසි මිස්රාටා නුවර සටන්කාමීන් පිරිසක් අතරේ යැයි ලිබියානු රජය පවසයි. බානි වාලිඞ් නුවර සටන්කාමී කණ්ඩායමේ නායක සලීම් අල් වේර් පැවැසුවේ ගැටුම පැය තුනක් තිස්සේ පැවැති බවය. වෙඩි වැදීමෙන් මියගොස් ඇත්තේ බානි වාලිඞ් සටන්කාමියෙකි. තුවාල ලැබූ පිරිස අතර මිස්රාටා සටන්කාමීන් තිදෙනෙක් ද සිටිති. ගැටුමට හේතුව මෙතෙක් අනාවරණය වී නැත. එම අවි ගැටුම සිදුවූයේ කැරැලිකරුවන් අතින් ලිබියා නායක ගඩාෆි ඝාතනයට ලක් වී වසරක් සපිරීමට ආසන්නව තිබියදීය. කැරැුලිකරුවන් අතින් තිරිසන් සතකු ලෙස ගඩාෆි අමු අමුවේ ඝාතනය වූයේ ඉකුත් වසරේ ඔක්තෝබර් 20 වැනිදාය. ගඩාෆිගේ පාලනයට එරෙහිව අවි අතට ගත් කැරැුලිකාර කණ්ඩායම් නිරායුධ කිරීමට ලිබියානු නව රජය සමත් වී නැත. ගඩාෆිගේ පාලනය පෙරළා දැමීමට එකමුතු වී සටන් කළ ද ඇතැම් සන්නද්ධ කණ්ඩායම් ලිබියානු නව රජයට විරෝධය පළ කරයි. එම පිරිස් අතර නිරන්තරයෙන් අවි ගැටුම් ඇතිවන අතර ඔවුන් ලිබියාවේ නගර රැසක ප්රචණ්ඩ කි්රයා සිදු කරයි. ලිබියාවේ ටි්රපොලි අගනුවර පවා බෝම්බ පිපිරීම් සිදුවෙයි. ඇමෙරිකාව, ප්රංශය, බි්රතාන්යය සහ නේටෝව මැදිහත් වී ගඩාෆි පාලනය පෙරළා දැමීමෙන් පසු ලිබියාව මුළුමනින්ම අස්ථාවර වී ඇති බව දේශපාලන විචාරකයෝ පෙන්වා දෙති. ගඩාෆිගේ හමුදා සමඟ සටන් කිරීමට කැරැලිකරුවන්ට විශාල වශයෙන් අවි ආයුධ ලබා දීමට ද බටහිර රටවල් කටයුතු කර ඇති අතර සටන්කාමී කණ්ඩායම් අත ඇත්තේ එම අවි ආයුධය. මේ අතර උතුරු අපි්රකා අර්ධද්වීපයේ කි්රයාත්මක අල් කයිඩාව, ලිබියාවේ අණසක පතුරුවන බවත් බටහිර රටවලින් ලැබුණු අවි ආයුධ මේ වනවිට අල් කයිඩා සටන්කාමීන් අතට පත්ව ඇති බවත් වාර්තා වේ. පසුගිය සැප්තැම්බර් 11 වැනිදා ලිබියාවේ බෙන්ගාසි නුවර ඇමෙරිකානු තානාපති කාර්යාලයට පහර දී ඇමෙරිකානු තානාපති කි්රස් ස්ටීවන්ස් ඇතුළු සිව් දෙනකු ඝාතනය කළේ අල් කයිඩා සංවිධානය යැයි ඇමෙරිකාවේ සී.අයි.ඒ බුද්ධි අංශය අනාවරණය කර ගෙන ඇත.
ආරක්ෂක සහයෝගීතාවක් වෙනුවෙන්, රුසියාවත් ඉරානයත් අතරේ අවබෝධතා ගිවිසුමකට අත්සන් තැබුණි. ඉරානය වෙනුවෙන් ඉරාන ජාතික ආරක්ෂක කවුන්සිලයේ මහ ලේකම් අලී අක්බා
ස්පාඤ්ඤ අග්රාමාත්ය පේඩ්රෝ සැන්චේස්ගේ බිරිඳට අල්ලස් චෝදනා එල්ල වී ඇති අතර, එම චෝදනා සම්බන්ධයෙන් වහා විමර්ශනයක් අරඹන්නැයි ස්පාඤ්ඤ අධිකරණයක් ඊයේ (24)
චීනය සමඟ යහපත් සබඳතා වර්ධනය කර ගැනීමේ අරමුණින්, ඇමෙරිකා රාජ්ය ලේකම් ඇන්තනි බ්ලින්කන් ඊයේ (25) චීනයේ බෙයිජීං අගනුවරට පැමිණියේය.
මාස දෙකහමාරක් තිස්සේ වට හතකින් පැවැත්වෙන ඉන්දීය මහ මැතිවරණයේ දෙවැනි වටය හෙට (26) ආරම්භ වෙයි. කේරළ සහ කර්ණාඨක ප්රාන්ත වැසියන්ට ඡන්දය ප්රකාශ කිරීමට අවස්
ග්රීසියේ ඇතන්ස් අගනුවර වැසියන් මවිතයට පත් කරමින්, ඇතන්ස් අහස අඳුරු වී තැඹිලි පැහැයක් ගත්තේය. මෙම අසාමාන්ය සංසිද්ධිය සම්බන්ධයෙන්, ග්රීක කාලගුණ විද
යුක්රේනයට පවුම් මිලියන 500 (ඇමෙරිකන් ඩොලර් මිලියන 500) ක යුද ආධාර පැකේජයක් යුක්රේනයට ලබා දීමට බි්රතාන්ය අග්රාමාත්ය රිෂී සුනාක් කැමැත්ත පළ කර ඇත.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ලිබියාවේ බානි වාලිඞ් නගරයේ දරුණු අවි ගැටුම්: අයෙක් මරුට: අට දෙනකුට තුවාල
නසාර් Thursday, 04 October 2012 10:58 AM
අන්තිමට වෙන්නේ අවි දීපු අයටම එයාලා ගහන එක විතරයි. (නි)