(දයාසීලි ලියනගේ, පද්මිණි මාතරගේ)  

මර්දනකාරී පනත් මගින් ත්‍රස්තවාදය සමග ප්‍රජාතන්ත්‍රවාදය ද අහෝසි කිරීම ජනතාව ඉල්ලා සිටින විසඳුම නොවන බැවින් ඒ පිළිබඳව සාකච්ඡා කිරීමට ඉක්මනින් දිනයක් හා වේලාවක් ලබා දෙනු ලෙස ඉන්ඩස්ට්‍රියල් ගෝලීය වෘත්තීය සමිතියේ ශ්‍රී ලංකා මණ්ඩලය සියලු පාර්ලිමේන්තු මන්ත්‍රීවරුන්ගෙන් ලිඛිත ඉල්ලීමක් කර ඇත.  

එම වෘත්තීය සමිති ශ්‍රී ලංකා මණ්ඩලය ලෙස ශ්‍රී ලංකා නිදහස් සේවක සංගමයේ ලෙස්ලි දේවේන්ද්‍ර, නිදහස් වෙළෙඳ කලාප හා පොදු සේවා සේවක සංගමයේ ඇන්ටන් මාකස්, වෙළෙඳ කාර්මික හා පොදු කම්කරු සංගමයේ සිල්වෙස්ටර් ජයකොඩි, එක්සත් කම්කරු සම්මේලනයේ ලීනස් ජයතිලක හා නැෂනල් යුනියන් ඔෆ් සීෆෙයාර්ස් සංවිධානයේ පාලිත අතුකෝරල යන මහත්වරුන්ගේ අත්සනින් මෙම ලිපිය ඉදිරිපත් කර ඇත.  

රජයට එරෙහි විරෝධතා නිහඬ කිරීමටත්, විරුද්ධ අදහස් ප්‍රකාශ කරන්නන් මැඩලීමටත්, දැනට වලංගු ත්‍රස්තවාදය වැළැක්වීමේ පනතට වඩා බරපතල විධිවිධාන යොද‌ාගත් ප්‍රතිත්‍රස්ත පනත් කෙටුම්පත සම්බන්ධයෙන් මහජන නියෝජිතයන් අවධානය ​ෙයාමු කිරීම සඳහා සාකච්ඡාවට අවස්ථාව ඉල්ලා ඇත.