IMG-LOGO

2024 ජුලි මස 18 වන බ්‍රහස්පතින්දා


නවාතැනේ සිටි තරුණයා අබිරහස් ගින්නකින් මියගිහින්

මළ මිනිසුන් සමග නොමළ කතා 

 

  • තරුණයකු සමග සමීප ඇසුර මරණයට හේතුවද?   

 

‘සුජිත් ඉන්නවා නේද? අපි මේ සතියේ නිවාඩු’   


‘හරි හරි ඔයාලා ගෙදර ගිහින් එන්න. මම ඉන්නම්. මම ගමේ යන්නේ ලබන සතියෙනේ’   
සුජිත් අවුරුදු විසිතුනක තරුණයෙකි. අවුරුදු පහක් තිස්සේ වැඩ කළේ රජයේ දෙපාර්තමේන්තුවකට අයත් ක්ෂේත්‍ර කාර්යාලයක ය. ගමේ ගියේ මාසෙකට වතාවක් පමණි. බොහෝ සතිඅන්තවල අනෙක් සියලුදෙනා ගමේ යද්දී සුජිත් තනියම ඔවුන්ගේ නවාතැන්පොළේ සිටියේය. එය දැන් ඔහුට හුරුපුරුදු ජීවිතයකි.   
මේ සතිඅන්තයෙත් සියලුදෙනා ගමේ යද්දී සුජිත් තනියම නවාතැනේ සිටියේය. ගෙදර ගිය අය ආපසු එන්නේ ඉරිදා සවස් වරුවේය. ඉරිදා උදෑසන සුජිත්ලාගේ නවාතැන්පොළ ආසන්නයේ දිගු වේලාවක සිට දුමක් ඉහළට නගිනු ඊට තරමක් ආසන්නයෙන් වෙසෙන ගමේ අයට දක්නට ලැබිණ. ඒ සමගම පුලුටු ගඳක්ද ආපු නිසා ගමේ තරුණයෙක් මේ නවාතැන්පොළ බලා ආවේ සුජිත්වද හොඳින් දන්නා නිසා ඔහුගේ නම අඬ ගසමිනි.   


‘සුජිත්..... සුජිත්..... මොනවද බං මේ උඹ පුච්චන්නේ. සතෙක්වත් මරාගත්තද?’   


‘සුජිත්...... සුජිත්...... සුජිත්.......’ මෙහෙම කතා කරගෙන ගමේ තරුණයෙකු වූ අසංක ආවත් සුජිත්ගෙන් නම් කිසිම ප්‍රතිචාරයක් ලැබුණේ නැත. නවාතැනට කිට්ටුවෙද්දී සතෙකු පිලිස්සෙනවා වැනි ගඳ තව තවත් වැඩියෙන් දැනෙන්නට විය. අසංක තව තවත් ඉදිරියට ගියේය. දුම එන පැත්තට ගිය අසංක දුටු දෙයින් වික්ෂිප්ත වූවා පමණක් නොව බියටද පත්වූයේය. ඔහු ගම දෙවනත් කරමින් කෑ ගහගෙන ආපසු දිව්වේය. ඔහුගේ කෑගැසීම ඇසුණ කීප දෙනෙක් එහි වටවී තොරතුරු අහගෙන ඇවිත් දුම එන තැන පරීක්ෂා කළහ.   
කිසියම් පිරිමි අයෙකුගේ සිරුරක් එහි දැවෙමින් තිබිණ. අඩ වශයෙන් පිලිස්සී තිබූ සිරුරේ හැඩය අනුව ඒ සුජිත්ගේ සිරුර බවට කවුරුත් සැක කළහ. ඔවුහු වහාම ඒ බව පොලිසියට දැනුම් දුන්හ. සුජිත්ගේ යාළුවෝ ආපසු ඉරිදා හැන්දෑවේ නවාතැනට එනවිට එහි එකම ගිනි විජ්ජුම්බරයකි. පොලිසිය සහ මහේස්ත්‍රාත්ද ඇවිත්ය. ඇයි මේ? ඔවුන්ට හිතාගන්නට බැරි විය. සුජිත්ගේ මළ සිරුර දුටු විට ඔවුන්ට අදහාගන්න බැරි වුණේ සිකුරාදා හොඳට හිටිය, කිසිම හතුරෙකු සිටින බවට ඉඟියක්වත් නොතිබුණ වටපිටාවක් තුළ සිදුවුණ දේ තේරුම් ගත නොහැකි බැවිනි.   


පොලිසිය සිද්ධිය දුටු හා නවාතැනේ සිටින හා හිටපු හැමෝගෙන්ම ප්‍රකාශ ලබාගත්තේය. එහෙත් අධිකරණ වෛද්‍යවරයාට තිබුණේ වෙනම රාජකාරියකි. ඔහු සිරුර වගේම ඒ අවට තිබුණ හැම දෙයක්මත් හොඳින් පරික්ෂා කළේය.   


මළ සිරුර අඩ වශයෙන් පිලිස්සී තිබුණි. පිච්චුණ හම පැළීගොසිනි. ජීවත්ව සිටියදී සිදුවූ පිලිස්සීමක දී නම් මෙලෙස පුපුරා යන්නේ පිලිස්සී මියගිය පසුව තව තවත් පිලිස්සීමෙන් ඇතිවන අධික උෂ්ණත්වයට ඔරොත්තු නොදීම නිසාය. සාමාන්‍යයෙන් මියගිය අයෙක් ගින්නට වැටුණේ නම් තරමක් දුරට පිලිස්සෙන විටද මෙලෙස සම පුපුරා යා හැකිය. එසේම මොහු ජීවත්ව සිටියදී සිදුකළ කිසියම් පහරදීමක් නිසා මෙලෙස සම පුපුරා යාමටද ඉඩ ඇත. ජීවත්ව සිටියදී කළ පහරදීමක් නිසා සම පුපුරා ගියේ නම් ඒ ස්ථානවල මද වශයෙන් හෝ ලේ ගලායාමක් සිදුවිය යුතුය. පිළිස්සී තිබීම නිසා හම එවැනි ලේ ගලායාමක් සිදුව තිබුණි දැයි නිරීක්ෂණය කළ නොහැකි විය. එසේම මේ ලක්ෂණ මත පමණක් මරණයට හේතුව පැවසිය නොහැකිය. ඒ නිසා පශ්චාත් මරණ පරික්ෂණයක් සිදුකළ යුතුව තිබේ.   


සාමාන්‍යයෙන් ජීවත්ව සිටිය දී ගින්නට හසුව මියගිය එහෙත් අඩ වශයෙන් පිලිස්සෙද්දී ගින්න නිවාදමා තිබූ අවස්ථාවකදී මියගිය පුද්ගලයාගේ සම මතුපිට අධික රතු පැහැයක් දැකිය හැකිය. ඒ ගින්නට හසුව සම මතුපිටින් අධික ලෙස රත්වෙද්දී අධික ලෙස සම මතුපිටට රුධිරය ගලාඒම නිසාය. මියගියාට පසුව ගින්නට දැමුවහොත් එය පිලිස්සී අළුවී යා හැකිය. අඩ වශයෙන් පිලිස්සුණේ නම් හම පැළීගොස් තිබෙනු දැකිය හැකිය. ඇතැම් විට සම්පූර්ණයෙන්ම පිලිස්සුනේ නැතිව අතරමගදී ගින්න නිවා දැමුණේ නම් මාංශ පේශි පිම්බී දරදඬු වී, අයෝමය පුරුෂයෙකුගේ මෙන් මාංශ පේශි පිහිටන්නට ඉඩ ඇත. ඇතැම් විට සිරුර දරදඬු වනු ඇත. 

 
සිරුරේ මතුපිට පෙනුමෙන් එහි සිටි සියලුදෙනා මේ සුජිත්ගේ සිරුර බවට හඳුනා ගත් පසු එය පශ්චාත් මරණ පරීක්ෂණය සඳහා රෝහලේ අධිකරණ වෛද්‍ය කාර්යාලයට යොමු කරනු ලැබිණ. ඒ මහේස්ත්‍රාත්වරයාගේ නියෝගය පරිදිය.   


රෝහල් මෘත ශරිරාගාරයේදී සිරුර කපා පරික්ෂා කිරීම ද සිදුකෙරිණ. එහෙත් ඊට පෙර නැවත වතාවක් මුළු සිරුරම මතුපිටින් පරික්ෂා කෙරිණ. එහිදී හිසෙහි පැල්මක් දකින්නට ලැබිණ. එයද ගින්නට හසුවී ඇති වූ තුවාලයක්ද නැත්නම් පහරදීමකින් සිදුවුවක්ද යන්න නිගමනය කිරීමට හිස කපා පරීක්ෂා කළ යුතු විය.   


හිස කපා පරික්ෂා කිරීමේදී හිස් කබලේ පැල්ම තිබූ ස්ථානයේ ලේ ගැලීමක් දැකිය හැකි විය. එය තිබුණේ ලේ කැටියක් ලෙසය. මොළේට පිටතින් වූ ඔළු කට්ට ආසන්නයෙන් වූ සිව්රා ආවරණයත් මොළේට පිටතින් සිව්රා ආවරණයට ඇතුළතින් පිහිටි ඇරැක්නොයිඩ් ආවරණයත් අතර මෙම ලේ ගැලීම දක්නට ලැබුණි. මෙවැන්නක් සිදුවිය හැක්කේ ජීවත්ව සිටියදී මොට ආයුධයකින් සිදුකළ පහරදීමකින් හෝ ඇද වැටීමෙන් හිස කිසියම් පෘෂ්ඨයක ගැටීමෙනි.   


මියගිය පසුව හිස ගින්නට හසුවීමෙන් වූ පිපිරිමකදී ලේ ගැලීමක් සිදුවූයේ නම් එය දැකිය හැක්කේ ලේ කැටියක් ලෙස නොව මී වදයක ස්වරූපයෙන් බුබුළු බුබුළු ආකාරයටය.   
ඉන්පසු අධිකරණ වෛද්‍යවරයාගේ අවධානය යොමුවුණේ හිසට පහළින් කඳ කොටස කපා පරීක්ෂා කිරීමටය. මුලින්ම ගෙලෙහි සිට පහළට සිරුර කපා පරීක්ෂා කරන්නට විය. එහිදී ශ්වාසනාළවල කාටිලේජ බිඳී ගොස් තිබූ අතර එහි සුළු ලේ ගැල්මක්ද දක්නට ලැබිණ. මෙය පහරදීමකින් හෝ ගෙල සිරකිරීමෙන් සිදුවිය හැකිය. ඒ අනුව සුජිත්ගේ මරණය ඝාතනයක් බව නිගමනය කළ හැකි විය. එහෙත් සුජිත් මියගියේ ගෙල මිරිකීමෙන්මද යන්න තවමත් නිශ්චිතව කිව නොහැකිය. එක් සාධකයක් සම්පූර්ණ වූ පමණින් අධිකරණ වෛද්‍යවරයෙකුට පූර්ණ නිගමනයකට යා නොහැකිය. එය පූර්ණ සත්‍යය අනාවරණයට බාධාවක් වනු ඇත.   


තවදුරටත් සිරුර කපා පරීක්ෂා කිරීමේදී ස්වාසනාළවලත්, දකුණු හා වම් පෙණහලුවලත් ඒවාට සම්බන්ධ අනුශ්වාසනාළිකාවලත් දැළි දක්නට ලැබිණ. එලෙස ශ්වාසනාළිකාවලට දැළි ඇතුළු විය හැක්කේ හුස්මගැනීමක් සිදුවුවහොත් පමණි. එසේ නම් සුජිත් ගින්නට හසුවන විටත් මියගොස් තිබී නැත. ඔහු ගින්නෙන් පිලිස්සෙන විට බේරෙන්නට දඟලන්නටද ඇත. ඔහු වේගයෙන් හුස්ම ගනිමින් ජීවත්වීමට වෙර දැරීම නිසා අධික ලෙස ශ්වාසනාළ ඔස්සේ පෙණහලු දක්වාම දැළි ගමන් කරන්නට ඇත. ඒ නිසා සුජිත් ගින්නට දමන විට ඔහු මියගොස් නොතිබූ බව තවදුරටත් සනාථ විය.   


එහෙත් එයින්ද නැවතීමක් ලබන්නට අධිකරණ වෛද්‍යවරයාට නොහැකිය. ඔහු තවදුරටත් සිදුකළ යුතු රසායනික පරීක්ෂාවන් කීපයක්ද විය.   
ඒ සඳහා ඔහුගේ ලේ පරීක්ෂා කරන්නට සිදුවේ. එයින් අදහස් කරන්නේ විෂ ශරීරගත වීමක් සිදුව තිබේද? ඇල්කොහොල් භාවිත කර තිබේද? ඇල්කොහොල් අධික මාත්‍රාවක් ශරීර ගත වීමෙන් මරණය ඉක්මන් කර තිබේද යන ප්‍රශ්නවලට විසඳුම් ලබාගැනීමය. මෙම සිරුර ගින්නකට හසුව තිබී සොයාගත් නිසා ඔහුගේ ලේවල අඩංගු කාබන් මොනොක්සයිඩ් ප්‍රමාණයද නිශ්චය කර ගත යුතුව තිබේ. එයද ඔහු මියගියේ ගෙල සිරවීමෙන්ද නැත්නම් ඉන්පසුව ගින්නට දැමීම නිසාද යන්න නිගමනයට වැදගත් වනු ඇත.   
ලේ පරීක්ෂාවේදී ලේවල කාබන්මොනොක්සයිඩ් 17%ක් ඇති බව හෙළි විය. සාමාන්‍යයෙන් දුම ආශ්‍රිතව නිතර වැඩකරන විශේෂයෙන්ම මුළුතැන්ගෙවල්වල වැඩ කරන අයගේ සිරුරේ කාබන් මොනොක්සයිඩ් 5%ක් පමණ තිබිය හැකිය. එහෙත් 17% ලේ වල කාබන් මොනොක්සයිඩ් තිබිය හැක්කේ අධික ලෙස කුණු පුලුස්සන තැනක හෝ ගින්නකට හසුවූ අයෙකුගේ සිරුරේය.   


එහෙත් ලේ වල කාබන් මොනොක්සයිඩ් 17%ක් තිබීම මරණයට හේතුවක් නොවේ. රුධිරයේ හිමෝග්ලොබින් සමග ඔක්සිජන් සම්බන්ධ වී සිරුර පුරා ගමන් කිරීමෙන් මාංශ පේශි ක්‍රියාකාරිත්වයට අවශ්‍ය ඔක්සිජන් බෙදාහරිනු ලැබේ. කිසියම් අයෙකු නිරෝගිව කටයුතු කරන්නේ නම් මේ ක්‍රියාවලිය යථා පරිදි සිදුවන බවට ඉඟියක් ලැබේ. එහෙත් හිමෝග්ලොබින් සමග වඩාත් වැඩියෙන් සම්බන්ධවීමට වැඩි හැකියාවක් තිබෙන්නේ කාබන්මොනොක්සයිඩ්වලටය. කාබන්මොනොක්සයිඩ් අධිකව රුධිරයට එකතුවීමෙන් ඔක්සිජන් එකතුවීමට බාධා පැමිණේ. මේ හේතුව නිසා සිරුරේ සෛලවලට, මාංශ පේශිවලට අවශ්‍ය ඔක්සිජන් නොලැබේ. මෙවැනි තත්ත්වයක් හේතු කරගනිමින් පුද්ගලයෙක් මියයාමට නම් රුධිරයේ 40% ක් වත් කාබන්මොනොක්සයිඩ් තිබිය යුතුය.   


සුජිත්ගේ සිරුරේ එතරම් කාබන්මොනොක්සයිඩ් තිබුණේ නැත. ඒ නිසා ඔහුගේ මරණයට හේතුව ගින්නට හසුව කාබන්මොනොක්සයිඩ් අධික ලෙස අාශ්වාසවීම නොවේ. එයට ඔහුගේ හිසට සිදුකළ පහරදීම, ගෙල මිරිකීම මෙන්ම ගින්නට දමා පිලිස්සීමද හේතු විය.   


මේ සියල්ල තුළින් පැහැදිලි වූයේ මෙය ඝාතනයක් බවය. ඒ අනුව සුජිත්ගේ ජංගම දුරකථනයද පරික්ෂා කර ඔහු සමග සමීපව ඇසුරු කළ තරුණයන් දෙදෙනෙකු ගැන තොරතුරු අනාවරණය කරගන්නට පොලිසියට හැකි විය.   


මේ තරුණයන් දෙදෙනාම සුජිත් සමග සමීප ඇසුරක් පවත්වාගෙන ගොස් ඇති බවට තොරතුරු අනාවරණය විය. එක් තරුණයෙකු කලක් තිස්සේ සුජිත් සමග සමීප ඇසුරක් පවත්වාගෙන ගොස් තිබූ අතර අනෙක් තරුණයා සුජිත් මරණයට පත්වන්නට ආසන්න කාලයකදී ඔහු සමග ඇසුරට පත්ව තිබිණ. දෙවන තරුණයා සමග ඇසුරක් අාරම්භ කිරීම නිසා උරණ වූ පෙර ඇසුර පවත්වාගෙන ගිය තරුණයා විසින් මෙම ඝාතනය සිදුකර ඇති බව පොලිසිය කළ පරීක්ෂණවලදී අනාවරණය විය.   


හලාවත මහරෝහලේ විශේෂඥ අධිකරණ වෛද්‍ය   රමේෂ් අලගියවන්න මහතා සමග කළ සාකච්ඡාවක් ඇසුරෙනි   

 


ලිව්වේ මුදිතා දයානන්ද

 



අදහස් (0)

නවාතැනේ සිටි තරුණයා අබිරහස් ගින්නකින් මියගිහින්

ඔබේ අදහස් එවන්න

රසවිත

මහරජ ගැමුණු චිත්‍රපටියේ විහාර මහා දේවිය - කුසුම් රේණු
2024 ජුලි මස 16 16 0

“චිත්‍රපටිය නිෂ්පාදනය කරන්න තීරණය කරලා අවුරුදු පහක් ගත වෙනකම්ම රූගත කිරීම් ආරම්භ කරන්න බැරි වුණා.. ඒ මූල්‍යමය ප්‍රශ්නයක් නිසා.. මමත් ඒ ගැන බලාපොරොත්තු


වාහනයක් ගත්තොත් මුලින්ම පෙන්නන්නේ තාත්තට - රොෂාන් ප්‍රනාන්දු
2024 ජුලි මස 16 41 0

වාහනවලට ආදරය කරන අය වෙනුවෙන්ම ගෙන ආපු විශේෂාංගය ’’රථගාය’’ වෙනුවෙන්, මෙවර සඳැල්ලට සම්බන්ධ කරගත්තේ, බොහෝ දෙනෙක් ආදරය කරන ප්‍රවීණ ගායන ශිල්පී රොෂාන් ප්‍


තරුණ කාලෙම අම්මා කෙනෙකුවීම ලොකු වාසනාවක් - නිපුණිකා දිසානායක
2024 ජුලි මස 16 28 0

මට ඇත්තටම සම්ප්‍රදායික අම්මා කෙනෙක් වෙන්න අවශ්‍ය නැහැ. ඒ වගේම අපි එකිනෙකා හරියට තේරුම් ගන්නවා නම් ප්‍රශ්න ඇතිවෙන්නෙ නැහැ. අපි විවාහ වෙලා අවුරුදු හතරක්


’’ අතිශය ප්‍රථම වතාවට ’’ පානම්බොක්කේ රටේ රාල හමුවෙමු
2024 ජුලි මස 16 41 0

දශක කීපයක සිට වේදිකාව, සිනමාව, ටෙලිනාට්‍ය රංගනයන් ඔස්සේ චරිතාංග රංගනයෙන් අපට හමුවන, ලාල් කුලරත්න ප්‍රවීණයා ගැන මේ දිනවල බොහෝ දෙනා කතාවන්නේ සුපුන් රත්න


මම භාරගත්ත චරිතයක් මගින් දාලා යන්නෙ නැහැ - ඉෂංකා අබේසේකර
2024 ජුලි මස 16 27 0

මේ දිනවල විකාශය කෙරෙන, ’’කියාදෙන්න ආදරේ තරම්’’ ටෙලි නාට්‍යයෙන් ප්‍රේක්ෂක හදවත් ආමන්ත්‍රණය කළ, ආකර්ෂණය කරගත්, ’’සමන්දිනි’’ ගැන අමුතුවෙන් හඳුන්වාදිය


අනේ පොඩි නැන්දා මට හුඟක් දවස් කාමරේ ඇතුළෙ ඉන්න වෙයිද?
2022 මාර්තු මස 26 11186 0

හීන් නෝනා දියණිය දෙස බැලු‍වේ කරදර දෑසිනි. දුරකථනය හරහා ආවේ සුබ පණිවිඩයක් නොවන බැව් ඇගේ මුහුණ කියා පෑවේය. “කවුද කතා කෙරුවේ..?” හීන් නෝනා විමසුවාය. “අයිය


මේවාටත් කැමතිවනු ඇති

වැලිබල් ෆිනෑන්ස්, ශක්තිමත් මූල්‍ය ප‍්‍රතිඵලයක් වාර්තා කරයි 2024 ජුලි මස 13 130 0
වැලිබල් ෆිනෑන්ස්, ශක්තිමත් මූල්‍ය ප‍්‍රතිඵලයක් වාර්තා කරයි

වැලිබල් ෆිනෑන්ස් ගෙවුණු වසර 17ක කාලය පුරාවට ශ‍්‍රී ලංකාවේ මූල්‍ය ආයතනයන් අතර ප‍්‍රමුඛස්ථානයක් හිමි කර ගනිමින් 2023/24 මූල්‍ය වර්ෂයේදී සිය මූල්‍ය විශිෂ්ටත

ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම” 2024 ජුනි මස 20 998 0
ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම”

බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්‍රදායන් මුල් කරගනිමින් ශ්‍රී පාද ස්ථ

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1879 1
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

Our Group Site