IMG-LOGO

2024 ජුනි මස 19 වන බදාදා


සන්ධානයෙන් නෙරපීම නීතියට පටහැණියි

( තිළිණි ද සිල්වා සහ රංජන් කටුගම්පොළ  )

හිටපු දකුණු පළාත් සභා මන්ත්‍රීවරයෙකු වන සුජිත් මුතුකුමාරණ මහතා 2019 වසරේදී එක්සත් ජනතා නිදහස් සන්ධාන සාමාජිකත්වයෙන් නෙරපීම නීතීයට පටහැනි බවට අභියාචනාධිකරණය තීන්දු කළේය.

ඒ අනුව ඔහුව  එම පළාත් සභා මන්ත්‍රී ධූරයෙන් නෙරපා ඇති බවට එක්සත් ජනතා නිදහස් සන්ධානයේ මහලේකම් නිකුත් කළ ලිපියත් , ඔහුගේ මන්ත්‍රී ධූරය අහෝසි වී ඇති බවට මැතිවරණ කොමිෂන් සභාව විසින් නිකුත් කළ ලිපියත් බලරහිත බවට ද අභියාචනාධිකරණය වැඩිදුරටත් තීන්දු කර ඇත.

අභියාචනාධිකරණය මෙසේ නියෝග කළේ සුජිත් මුතුකුමාරණ මහතා සිය  පක්ෂ සාමාජිකත්වයෙන් ඉවත් කිරීමට එරෙහිව ගොනු කළ පෙත්සම විභාගයට ගෙන එහි තීත්දුව ප්‍රකාශයට පත් කරමිනි.
මෙම පෙත්සමේ වගඋත්තරකරුවන් ලෙස එක්සත් ජනතා නිදහස් සන්ධානයේ මහලේකම් මහින්ද අමරවීර ඇතුළු අට දෙනෙකු නම් කරනු ලැබ තිබිණි.

මෙම පෙත්සම කේ.කේ.වික්‍රමසිංහ , මහින්ද සමයවර්ධන සහ ප්‍රියන්ත ප්‍රනාන්දු යන මහත්ම මහත්මීන් ගෙන් සමන්විත අභියාචනාධිකරණ විනිසුරු මඩුල්ලක් හමුවේ විභාගයට ගැණුනි.

අනෙකුත් විනිසුරුවරුන්ගේ එකඟත්වයෙන් විනිසුරු කේ.කේ.වික්‍රමසිංහ මහත්මිය විසින් ප්‍රකාශයට පත් කළ තීන්දුවේ මෙසේද සදහන් වේ.

“ පළාත් සභා පනතේ 63 (1) වගන්තිය අනුව තමා එක්සත් ජනතා නිදහස් සන්ධාන සාමාජිකත්වයෙන් නෙරපීමට එරෙහිව පෙත්සම්කරු මෙම අයදුම්පත ඉදිරිපත් කර ඇත.

ඉදිරිපත් කළ කරුණු අනුව පෙත්සම්කරු පිළිබද පහත කරුණු අනාවරණය වේ.ඉන් පළමු වැන්න වන්නේ පෙත්සම්කරු 2015 අගෝස්තු මාසයේ පැවති මහමැතිවරණයේදී එක්සත් ජාතික පෙරමුණෙන් හම්බන්තොට දිස්ත්‍රික්කයට තරග කර පරාජයට පත්විය.ඉන්පසු ඔහු එක්සත් ජනතා නිදහස් සන්ධානයේ පළාත් සභා මන්ත්‍රීවරයෙකු ලෙස දිගටම දකුණු පළාත් සභාවේ කටයුතු කළේය.
දෙවැන්න 2019 වසරේ ජනවාරි 15 නිකුත් කරන ලද ලිපියක් මඟින් පක්ෂ ව්‍යවස්ථාව උල්ලංඝනය කරන ලදැයි සදහන් කරමින් ඔහුව එක්සත් ජනතා නිදහස් සන්ධාන සාමාජිකත්වයෙන් ඉවත් කරන ලදී.පසුව පක්ෂ සාමාජිකත්වය අහෝසි කිරීම හේතුවෙන් පෙත්සමකරු මන්ත්‍රීධූරය අහෝසි වන බව පළාත් සභා ලේකම්වරයා විසින් ලිපියක් මාර්ගයෙන් දැනුම් දෙන ලදී.

තෙවැනි කරුණ වන්නේ පෙත්සම්කරු පක්ෂයෙන් ඉවත් කිරීමට පෙර කිසිදු විනය පරීක්ෂණයක් හෝ චෝදනා පත්‍රයක් ඉදිරිපත් කර නොමැති වීමයි.පෙත්සම්කරු එම පක්ෂ සාමාජිකත්වයෙන් නෙරපීම තුළින් එක්සත් ජනතා නිදහස් සන්ධානයේ ලේකම්වරයා ක්‍රියා කර ඇත්තේ ස්වභාව යුක්ත මූලධර්මයට පටහැනිව හා අහේතුකව බවද සදහන් වේ.

මීට පෙර ශ්‍රේෂ්ඨාධිකරණය හමුවේ ලබා දී ඇති අබ්දුල් මජීඞ්ට එරෙහිව ශ්‍රී ලංකා මුස්ලිම් කෙංග්‍රසය හා තවත් අය යන නඩු තීන්දුවෙන් එවකට අග විනිසුරු ශිරාණ් බණ්ඩාරනායක මහත්මිය සඳහන් කර සිටින්නේ පක්ෂ සාමාජිකත්වය ඉවත් කිරීමට පෙර , සාධාරණ නඩු විභාගයක් පවත්වා ඊට පිළිතුරු ලබා දීමට කාලයක් ලබා දිය යුතු බවයි.ඉදිරිපත් කරන සහ පූර්වාදර්ශ නඩු තීන්දු අනුව වගඋත්තරකරුවන් විසින් ස්වභාව යුක්ත මූලධර්මයේ රීතීන් උල්ලංඝනය කර ඇති බව පැහැදිලි වේ.

ඒ අනුව පෙත්සම්කරු පක්ෂයෙන් නෙරපීමට පෙර ස්වභාව යුක්ත මූලධර්මය අනුගමනය කළ යුතු බව අධිකරණයේ මතයයි.

ඒ අනුව පෙත්සම්කරු පක්ෂයෙන් නෙරපා ඇති බව සදහන් ලිපි නීත්‍යානුකූල නොවන ඒවා බවත් , එය අවලංගු කරන බවත් අධිකරණ තීන්දුවේ වැඩිදුරටත් සඳහන් වේ.

පෙත්සම්කරු වෙනුවෙන් නීතීඥවරුන් වන ශ්‍යාම්ලාල් කොල්ලුරේ , ඒ.වී.ජයවීර , පී.එම්.අමරසිංහ , රවින්ද්‍ර එස්. ද සිල්වා යන යන මහත්වරුන් පෙනී සිටියහ.

නීතිපති වෙනුවෙන් ජ්‍යෙෂ්ඨ රජයේ නීතීඥ මහේෂිකා ද සිල්වා මහත්මිය පෙනී සිටියාය.



අදහස් (1)

සන්ධානයෙන් නෙරපීම නීතියට පටහැණියි

Perera Tuesday, 24 November 2020 03:55 AM

ශ්‍රේෂ්ඨාධිකරණය ඔය තීන්දුව නිෂ්ප්‍රභ කරයිද.?

:       0       0

ඔබේ අදහස් එවන්න

ප්‍රාදේශීය පුවත්

සම්බන්ධීකරණ කමිටු අනුමැතියක් නැතිව ගම්පහ කළු ගල් කඩන්න බැහැ
2023 ජුලි මස 26 211 0

ගම්පහ දිස්ත්‍රික්කය තුල කළු ගල් කැඩීම පිනිස සම්බන්ධීකරණ කමිටු අනුමැතියකින් තොරව භූ විද්‍යා සමීක්ෂණ සහ පතල් කාර්යාංශය මගින් අවසර ලබා දීම නොකළ යුතු බව


ගොවියාගේ අලුත් වගාවක් මාට්ටු
2023 අප්‍රේල් මස 18 1221 0

වීරකැටිය,මුල්ගිරිගල කැලෑබද පාලු ඉඩමක ගංජා වගා කල පුද්ගලයකු සරුවට වැවුනු ගංජා පැල 12900 ක් සමඟ ගොවියකු අත් අඩංගුවට ගත් බව ඕකවෙල පොලිසිය පවසයි .


ලක්ෂ 82 ක මුදල් සමඟ දෙදෙනකු අල්ලයි
2023 අප්‍රේල් මස 09 329 0

හෙරොයින් ජාවාරමෙන් උපයාගන්නා ලද රුපියල් ලක්ෂ 82 ක මුදලක් හා මුදල් ගණන් කිරීමේ විද්‍යුත් යන්ත්‍රයක් සමග පුද්ගලයන් දෙදෙනෙක් කොළඹ කෙසෙල්වත්ත ප්‍රදේශයේ


මත් කුඩු සමඟ කාන්තාවක් අල්ලයි
2023 අප්‍රේල් මස 07 398 1

මහර බන්ධනාගාරයේ රඳවා සිටින මහා පරිමාණ මත්ද්‍රව්‍ය ජාවාරම්කරුවකු මෙහෙයවන මත්ද්‍රව්‍ය ජාවාරමේ ප්‍රධාන ගෝලයා ලෙස කටයුතු කරන කාන්තාවක් මත්කුඩු හා මුද


බිම් බෝම්බ සොයන දෑත් කඹ අදිති
2023 අප්‍රේල් මස 06 401 0

උතුරු නැගෙනහිර බිම් බෝම්බ ඉවත් කිරීමේ නිරත යුද හමුදාවේ සහ රාජ්‍ය නොවන ආයතනවල සාමාජික සාමාජිකාවන්ගේ සහභාගීත්වයෙන් ක්‍රිකට් තරගාවලියක් සහ කඹ ඇදීමේ ත


ජෙලෙග්නයිට් සමඟ අයෙක් අත්අඩංගුවට
2023 අප්‍රේල් මස 05 290 0

ජෙලෙග්නයිට් පුපුරණ ද්‍රව්‍ය කූරු 100 ක් යතුරුපැදියකින් ප්‍රවාහනය කරමින් සිටි පුද්ගලයෙකු මන්නාරම නගරය දී අද (5) අලුයම මන්නාරම පොලිසිය මගින් අත්අඩංගුවට


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1349 1
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 3073 1
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 2515 6
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site