(රවින්ද්‍ර ප‍්‍රභාත් නෙත්තසිංහ)
 
මව්වරුන් වන්ද්‍යාකරණය කරනු ලදැයි චෝදනාවට ලක්ව සිටින කුරුණෑගල ශික්ෂණ රෝහලේ ප‍්‍ර‍්‍රසව හා නාරිවේද වෛද්‍ය ෂාෆි ෂිහාබ්දීන් යන අයට නීතිය අකුරටම ක‍්‍රියාත්මක කරන ලෙස ඉල්ලා අත්සන් ලක්ෂයක පෙත්සමක් අත්සන් කිරීම වාරියපොල නගරයේ දී අද (4) ආරම්භ විය. 

ප‍්‍රදේශයේ මහා සංඝරත්නය ඇතුළු පිරිසක් විසින් පෙත්සම අත්සන් කිරීම ආරම්භ කළ අතර ජනාධිපතිවරයාට පෙත්සම බාර දී පරීක්ෂණ නිසි පරිදි සිදුකරන මෙන් ඉල්ලා සිටීමට බලාපොරොත්තු වන බව දේවමැදිහත්පත්තුවේ උප ප‍්‍රධාන සංඝනායක ශ‍්‍රාස්ත‍්‍රපති මානිංගමුවේ සුමණජෝති ස්වාමීන් වහන්සේ පැවසූහ. 

හිටපු පළාත් සභා අමාත්‍ය ඩී.බී. හේරත් මහතා අවස්ථාවට සහභාගී වෙමින් පවසා සිටියේ වයඹ පළාතේ තිස් අවුරුදු යුද්ධයෙන් මියගිය ගණනට වඩා ජීවිත සංඛ්‍යාවක් වෛද්‍ය ෂාෆි විසින් විනාශ කර ඇති බවයි. ඉදිරි දිනවලදී පෙත්සම සෑම නගරයකටම ගෙන යාමට කටයුතු කරන බව සංවිධායකයෝ කියති.