(ජේ.කේ.එල් චාමින්ද)

ආගමන විගමන පනත උල්ලංඝනය කරමින්  වීසා බලපත්‍ර නොමැතිව මෙරට රැඳී සිටි ස්විට්සර්ලන්ත ජාතික මවක හා පුතෙකු අත්අඩංගුවට ගත්බැව් හික්කඩුව පොලිසිය පවසයි.

අත්අඩංගුවට ගත් කාන්තාවගේ වයස අවුරුදු 61ක් වන අතර පුතුගේ වයස අවුරුදු 42කි.

මෙකී මව හා පුතු 2017 වර්ෂයේ සිට මෙරට රැඳීසිට ඇති බැව් පොලිස් පරීක්ෂණවලදී අනාවරණය වී ඇත. 2017 වර්ෂයේදී මොවුන් දෙපලගේ වීසා බලපත්‍රයේ කාලය අවසන් වී ඇත. මව හා පුතු වසර තුනක පමණ කාලයක්  වීසාබලපත්‍ නොමැතිව  මෙරට රැඳීසිටි ඇති බව පොලිසිය පවසයි.

වීසා නොමැතිව මෙරට රැඳීසිටින විදේශිකයින් අත්අඩංගුවට ගැනීම සදහා විශේෂ මෙහෙයුමක් ඊයේ (05) රාත්‍රී ක්‍රියාත්මක විය. මෙකී මව හා පුතු හික්කඩුව තිරාණගම ප්‍රදේශයේ කුලීනිවසක සිටියදී පොලිසිය මගින් අත්අඩංගුවට ගෙන ඇත.

මව හා පුතු අද (06) අධිකරණය වෙත ඉදිරිපත් කිරීමට නියමිතය.