විශේෂ ඩෙංගු මර්දන වැඩසටහනක්

ඩෙංගු රෝගීන් වාර්තාවෙන කාලයට පමණක් මර්ධන වැඩසටහන් යනුවෙන් පුවත් මවනවා හැරෙන්නට වෙනත් මර්දනයක් හරි හැටි කෙරෙනවා අපට නම් පේන්නේ නැහැ. කෘමිනාශක භාවිතය නිසා දිය පාරවල් වල සහ ජලාශවල සිටි තිත්තයන් දන්ඩින් වැනි කුඩා මත්සයන් අද දකින්නට නැහැ. ඒ සතුන් වඳවීම නිසා මදුරු කීටයන් ආහාරයට ගැනීමක් අද සිදුවෙන්නේ නැහැ. බත් කූරන් මදුරුවන් හා කීටයන් සෑහෙන ප්‍රමාණයක් ගිල දැමුවත්, කෘමිනාශක භාවිතය නිසා එම සතුන්ද වඳ වීමේ තර්ජනයකට ලක්වී ඇත. පරිසරයට ආදරය නොකරන අපේම මිනිසුන් තැන තැන දමන පොලිතීන්,යෝගට් කෝප්ප ආදී දේ නිසා මදුරුවන් බෝවීම වැඩිවී තිබේ.ඒ කෙසේ වෙතත්,සවුඛ්‍ය අංශ හරිහැටි පර්යේෂණ නොකොට නින්දේ පසුවීම නිසා ඩෙංගුවා බලවත් වෙයි.බොරු බයිලා ගසා රටේ ධනය අනිසි දේට වනසන ඇතැම් දේශපාලක තුමන්ලා ඩෙංගුවා මර්ධනයට හා පර්යේෂණ වලට වැඩිපුර මුදල් ලබා දෙන්නේ නම්,තත්වය මෙතරම් නරක තත්වයකට පත් නොවනු ඇත.