IMG-LOGO

2025 නොවැම්බර් මස 30 වන ඉරිදා


වතුර නෑ: රජරට සරසවි පීඨ 4 ක් යළි ඇරීම තවත් කල්යයි

(අතුල බණ්ඩාර සහ අනුරාධපුර දයාරත්න ඇඹෝගම)

දැනට වසා දමා තිබෙන රජරට විශ්වවිද්‍යාලයේ මිහින්තලේ පරිශ්‍රයේ පීඨ හතර යළි විවෘත කිරීම දින නියමයක් නොමැතිව කල් දැමීමට සිදුවී ඇතැයි එම විශ්වවිද්‍යාලයේ උපකුලපති මහාචාර්ය රංජිත් විජයවර්ධන මහතා පැවසීය.
අනුරාධපුර දිස්ත්‍රික්කයට මේ වන විට බලපා තිබෙන දැඩි නියං තත්ත්වය නිසා රජරට විශ්වවිද්‍යාලයේ මිහින්තලේ පරිශ්‍රයට ජලය සැපයීමේ අසීරුතාවයක් උද්ගත වී තිබෙන බව ජල සම්පාදන හා ජලාපවහන මණ්ඩලය මගින් දැනුම් දී තිබෙන බැවින් විශ්වවිද්‍යාලයේ පාලනාධිකාරිය මගින් මෙම තීරණය ගත් බව උපකුලපතිවරයා කීය.

ඒ අනුව මිහින්තලේ පරිශ්‍රයේ පවත්වාගෙන යන සමාජ විද්‍යා හා මානව ශාස්ත්‍ර පීඨය, කළමනාකරණ අධ්‍යයන පීඨය, ව්‍යවහාරික විද්‍යා පීඨය සහ තාක්ෂණ විද්‍යා පීඨය යන පීඨ හතර නැවත විවෘත කිරීම දින නියමයක් නොමැතිව කල්දමා තිබේ.

රජරට විශ්වවිද්‍යාලයේ උපකුලපති මහාචාර්ය රංජිත් විජයවර්ධන මහතා කියා සිටියේ මෙම පීඨ හතරෙහි සිසු සිසුවියන් හාර දහසක් පමණ අධ්‍යයන කටයුතුවල නිරත වන බවයි. ඔවුන් සියලු දෙනාම මිහින්තලේ විශ්වවිද්‍යාල පරිශ්‍රයේ පිහිටි නේවාසිකාගාරවල නවාතැන් ගෙන සිටින නිසා මේ අවස්ථාවේ එතරම් පිරිසකගේ අවශ්‍යතාවය සම්පූර්ණ කිරීමට තරම් ප්‍රමාණවත් අයුරින් ජලය සැපයීමට අසීරු බව ජල සම්පාදන හා ජලාපවහන මණ්ඩලයේ අනුරාධපුර ප්‍රාදේශීය කළමනාකාර චමින්ද ලොකුබරණ මහතා තමාට දැනුම් දුන් බව කී උපකුලපතිවරයා ඒ අනුව මෙම තීරණය ගත් බව පැවැසීය.

රජරට විශ්වවිද්‍යාලයේ මිහින්තලේ පරිශ්‍රයේ නේවාසිකාගාරවල සිසු සිසුවියන් අතර පැපොල රෝගය හා වෛරස් උණ රෝගයක් පැතිර යාම නිසා පසුගිය 08 වැනිදා හදිසියේම මිහින්තලේ පරිශ්‍රයේ පවත්වාගෙන යන පීඨ හතර වසා දැමීමට මෙම විශ්වවිද්‍යාලයේ පාලනාධිකාරිය තීරණය කරනු ලැබීය.

වසා දැමුණු එම පීඨ හතර පෙරේදා (27) යළි විවෘත කිරීමට නියමිතව තිබුණි. නමුත් ඒ අතරතුර මෙම ජල ගැටලුව පැන නැගුණු නිසා එම පීඨ හතර විවෘත කිරීම දින නියමයක් නොමැතිව කල් දැමීමට සිදුවූ බව උපකුලපතිවරයා පැවැසීය.



අදහස් (1)

වතුර නෑ: රජරට සරසවි පීඨ 4 ක් යළි ඇරීම තවත් කල්යයි

දිමුත් Wednesday, 29 August 2018 06:48 AM

විශ්වවිද්‍යාලයක් හදන කොට හරියට සැලසුම් කරපු නැති ප්‍රශ්න තමයි මේ පේන්න තියෙන්නේ.

:       0       1

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී  ලංකා ඉන්ෂුවරන්ස් ලයිෆ්, 2025  SLIM  ජාතික විකුණුම් සම්මාන රාත‍්‍රියේදී  (SLIM National Sales Awards) සම්මානයන්ගෙන් පිදුම් ලබයි. 2025 නොවැම්බර් මස 21 222 1
ශ‍්‍රී ලංකා ඉන්ෂුවරන්ස් ලයිෆ්, 2025 SLIM ජාතික විකුණුම් සම්මාන රාත‍්‍රියේදී (SLIM National Sales Awards) සම්මානයන්ගෙන් පිදුම් ලබයි.

ශ‍්‍රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ‍්‍රී ලංක

ඕනම වෙලාවක - ඕනම තැනක ඉඳන්, මේ අළුත්වෙන කරදරලස් Trend එකට Set වෙන්න. 2025 නොවැම්බර් මස 17 278 0
ඕනම වෙලාවක - ඕනම තැනක ඉඳන්, මේ අළුත්වෙන කරදරලස් Trend එකට Set වෙන්න.

දවසින් දවස අපි හැමෝගෙම ජීවිත හිතාගන්න බැරි තරම් කාර්යබහුල වෙනවා! ඒ busy life එක අස්සේ shopping කරනවා කියන්නේ තවත් ලොකු කාර්‍යභාරයක් නේද? හවසට වැඩ ඇරිලා ගෙදර යන ගම

නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි. 2025 නොවැම්බර් මස 04 1185 0
නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි.

2021 බ්ලූ ප්ලැනට්(Blue Planet) ත්‍යාගලාභී සහ 2007 සාම නොබෙල් ත්‍යාගයේ සම-ජයග්‍රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්

Our Group Site