විනීතා එම් ගමගේ
මෙරට වගා කෙරෙන බෝගයන් හි පසු අස්වනු හානියෙන් වාර්ෂිකව රටට රුපියල් මිලියන 18,000 කට අධික මුදලක් අහිමි වන බව මෑතක දී චීන විශේෂඥයින් පිරිසක් විසින් සිදුකරන ලද අධ්යයනයකින් හෙළි වී ඇත.
සතුන්ගෙන් සිදුවන හානි, අස්වනු නෙළා ගැනීම් දී සිදුවන හානි මෙන්ම මිලක් නොමැතිකම නිසා ඇතැම් විට වගාවන් අතහැර දැමීම වැනි කරුණුත් මෙම පසු අස්වනු හානි ලෙස සළකනු ලැබ ඇත.
ශ්රී ලංකාවේ වගා කරන බෝගවලින් සියයට 30ක් වාර්ෂිකව වන සතුන් විසින් විනාශ කරනු ලබන අතර රිළවා, වඳුරා, අලි ඇතුන් මෙන්ම වල් ඌරන්, ඉත්තෑවන්, මොනරුන් වැනි සතුන් ද වන බව කෘෂිකර්ම අමාත්යංශය කියයි.
තවත් සියයට තිහක් පමණ නියඟය හා පසු අස්වනු නාස්තිය නිසා වාර්ෂිකව විනාශ වන අතර භාවිතයට ගත හැකි වන්නේ සමස්ත වගාවෙන් සියයට 40 ක පමණ ප්රමාණය පමණකැයි ද අමාත්යංශය පෙන්වා දෙයි.
කෙසේ වෙතත් පසු අස්වනු නාස්තිය වළක්වා ගැනීම සඳහා ගතයුතු කි්රයාමාර්ග ලෙස නවීන තාක්ෂණය යොදා ගැනීම හා අස්වනු නෙලා ගැනීමේ දී භාවිතා කළ යුතු දියුණු ක්රම හා ඒ පිළිබඳ ප්රමාණවත් දැනුමක් ගොවීන්ට ලබා දීමට ද පර්යේෂක කණ්ඩායම නිර්දේශ කර ඇත.
මෙම පර්යේෂක කණ්ඩායමේ පර්යේෂණ වාර්තාව හා පසු අස්වනු නාස්තිය වළක්වා ගැනීමේ දී ගත යුතු කි්රයා මාර්ග පිළිබඳ නිර්දේශ ද මෙම පර්යේෂකයින් විසින් කෘෂිකර්ම අමාත්ය මහින්ද අමරවීර මහතා වෙත භා දෙනු ලැබ ඇත.
2025 නොවැම්බර් මස 17
20
0
දවසින් දවස අපි හැමෝගෙම ජීවිත හිතාගන්න බැරි තරම් කාර්යබහුල වෙනවා! ඒ busy life එක අස්සේ shopping කරනවා කියන්නේ තවත් ලොකු කාර්යභාරයක් නේද? හවසට වැඩ ඇරිලා ගෙදර යන ගම
2025 නොවැම්බර් මස 04
866
0
2021 බ්ලූ ප්ලැනට්(Blue Planet) ත්යාගලාභී සහ 2007 සාම නොබෙල් ත්යාගයේ සම-ජයග්රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්
2025 ඔක්තෝබර් මස 08
2496
0
හේමාස් සමාගම සිය නවීන තෘතීයික සත්කාර රෝහල ආරම්භ කිරීම පිළිබඳව අද දින තලවතුගොඩ දී නිවේදනය කරනු ලැබීය.
වගාවන්ගෙන් සියයට හැටක් නාස්ති වෙයි