(කිරිදිවැල  -  උපලි රණවීර)

ලුණුගම, මීගහවත්ත කඩවතවත්ත ප්‍රදේශයේ ඉඩමක තිබූ විදේශ රටක නිෂ්පාදනය කළ ජීව අත්බෝම්බයක් පූගොඩ පොලිසිය විසින් සොයාගෙන ඇත.

ඉඩම් හිමිකරු ගෙවත්තේ වැඩ කරමින් සිටියදී පස්යට තිබී මෙම අත්බෝම්බය හමුවී ඇති බව පොලිසිය කියයි. පසුව විශේෂ කාර්ය බලකායේ බෝම්බයක් නිෂ්ක්‍රීය අංශය පැමිණ නිෂ්ක්‍රීය කිරීමට පියවර ගෙන තිබිණ.

මෙම අත්බෝම්බයක කිසියම් අපරාධයක් සිදු කිරීමට රැගෙනවිත් සඟවා තැබුවේද යන්න පිළිබඳව වැඩිදුර පරීක්ෂණ සිදු කෙරේ. ගම්පහ ජ්‍යෙෂ්ඨ පොලිස් අධිකාරී මුදිත පුස්සැල්ල මහතාගේ උපදෙස් මත පූගොඩ පොලිස් ස්ථානාධිපති පොලිස් පරීක්ෂක ප්‍රදීප් විජේසේකර, පෙලිස් පරීක්ෂක සුමිත් කරුණරත්න යන මහත්වරු පරීක්ෂණ සිදු කරති.