පුත්තලම - ජුඩ් සමන්ත.
කලාඔයේ මසුන් මැරීමට ගිය හිටපු යුද හමුදා සෙබළෙක් දියේ ගිලී මරුමුවට පත්ව ඇති බව සාලිය‍වැව පොලීසිය කියයි.


මිය ගොස් ඇත්තේ සාලියැවව - නීලබැම්ම පදිංචිව සිටි ලියනාරච්චිලාගේ ගාමිණී ජයරත්න (අවු:43) නම් අයෙකි.


මිය ගොස් ඇති අය අවසන් වරට කුරුණෑගල - මල්කඩුවාව පිහිටි යුද හමුදා කඳවුරේ සේවය කර ඇති අයෙකි.පසුව ඔහු වෛද්‍ය හේතු මත හමුදා සේවයෙන්  ඉවත් වී ඇති බව විමර්ශණ වලදී හෙලිවී ඇත.හමුදා සේවයෙන් ඉවත් වීමෙන් පසුව කලාඔයේ මසුන් මැරීම ජීවන වෘත්තිය ලෙස ඔහු සිදු කර ඇති බව කියති.


06 වැනිදා දහවල් ඔහු මසුන් මැරීම සදහා ගොස් ඇති නමුත් එදින සවස් වන තුරු ඔහු ආපසු නිවසට පැමිණ නැත.ඔහුගේ පිරිද විසින් මේ බව සාලියවැව පොලීසියට පැමිණිල්ලක් කරමින් සදහන් කර ඇත.


07 වැනිදා පෙරවරුවේ අතුරුදහන්වී සිටි අයගේ සිරුර කලාඔයේ තිබී ගම්වාසීන් විසින් සොයා ගෙන ඇත.
පශ්චාත් මරණ පරීක්ෂණය පැවැත්වීමට නියමිතව ඇත.


සාලියවැව පොලීසිය වැඩිදුර විමර්ශණ කටයුතු කරගෙන යයි.