(හිරාන් ප්‍රියංකර ජයසිංහ)

මුන්දලම සෙබ්බැට්ට ප්‍රදේශයේ පුද්ගලයකු බරපතල තුවල ලබා පුත්තලම මූලික රෝහලට ඇතුළත් කර සිටියදී අද (29) සවස මරණයට පත්වී ඇති බව මුන්දලම පොලිසිය පවසයි.

මෙසේ මරණයට පත්ව ඇත්තේ මුන්දලම මදුරන්කුලිය සෙබ්බැට්ට ප්‍රදේශයේ පදිංචිව සිටි 28 හැවිරිදි දෙදරු පියකු බව කියයි .

මරණයට පත්වූ තැනැත්තා අද උදෑසන කිසියම් පිරිසක් විසින් පැහැරගෙන ගොස් ඇති අතර පසුව ශරීරය පුරා තුවාල සහිතව බරපතල තත්වයේ සිටි මරණකරු පුත්තලම මූලික රෝහලට ඇතුළත් කර ඇත.

මරණයට පත් වු තැනැත්තා මුන්දලම පොලිස් වසම තුළ සිදුවු සොරකම් රැසකට පොලිසියට අවශ්‍යව සිටි පුද්ගලයකු බවත් මොහු හෙරෝයින් වලට බරපතල ලෙස ඇබ්බැහි වුවකු බවද කියයි.

මෙම තැනැත්තා පැහැර ගැනීම සහ පහර දීමට සම්බන්ධ සැකකරුවකු මුන්දලම පොලිසිය විසින් අත්අඩංගුවට ගෙන ඇති බවද පොලිසිය පවසයි.