(සනත් ගමගේ)
 
මදුනාගල අභයභූමියේ කරඹගල් ආරවැව ආසන්නයේ සතුන් දඩයමේ නිරත වී සිටි පුද්ගලයින් තිදෙනකුගෙන් එක් පුද්ගලයෙක් පතුරොම් තුවක්කුවක් සමඟ අත්අඩංගුවට ගත් බව හම්බන්තොට වනජීවී කාර්යාලයේ  අඩවි ආරක්ෂක නිලධාරී ජේ.ඒ.පී විජයකුමාර  මහතා කීය. 

වනජිවී නිළධාරින් අභයභූමිය තුළ සිදු කෙරුණු සෝදිසියක දී මෙලෙස පුද්ගලයින් තිදෙනෙකු ගිනි අවියක් සමඟ කැළයේ සිටි අතර වනජීවී නිළධාරීන් ඒ ආසන්නයට යන විටත් ඉන් පුද්ගලයින් දෙදෙනෙකු  පලා ගොස් ඇති අතර ගිනි අවිය අතැතිව සිටි පුද්ගලයා ගිනී අවිය සමඟ අත්අඩංගුවට ගෙන තිබේ. 

මදුනාගල අභය භුමියේ රක්ෂිත කැළයේ ද වන සතුන් දඩයම් කිරීම බහුල වශයෙන් සිදුකරන අභයභූමිය තුළ සිදුකරන  පස් කැපීම්, කැළය කැපීම් වැනි නීතිවිරෝධි ක්‍රියා සිදුකරන පුද්ගලයින්ම මෙම සතුන් දඩයම් කිරීමේ ජාවාරම්වලද නිරත වන බව වනජීවී නිළධාරීහු පවසති.

මෙම නීතිවිරෝධි ක්‍රියා නතර කිරීමට උත්සාහ ගැනීමේ දී වනජීවී නිළධාරින්ට විවිධ බොරු චෝදනා ඉදිරිපත් කිරීමට නීතීවිරෝධි ක්‍රියාවල යෙදෙන සහ ඒවාට අනුබල දෙන වගකිවයුතු පිරිස් කටයුතු කිරීම නිසා නිළධාරීන් දැඩි අපහසුතාවයට පත්ව ඇති බවද වාර්තාවේ.