(කාංචන කුමාර ආරියදාස)

දඹුල්ල හා අවට නගරවල හෙරොයින් මත්කුඩු අලෙවි කරන පුද්ගලයන් 14 දෙනෙකු රුපියල් ලක්ෂ තුනකට වැඩි වටිනාකමකින් යුත් මත්කුඩු සමඟ අත්අඩංගුවට ගත් බව දඹුල්ල පොලිසිය පවසයි.

මත්කුඩුවලින් තොර දඹුල්ලක් ඇති කිරීම සඳහා දඹුල්ල පොලීසිය  සිවිල් සංවිධාන නියෝජිතයෝ  එක්ව ආරම්භ කර ඇති විශේෂ සෝදිසි මෙහෙයුම් වලදී මොවුන් අත්අඩංගුවට ගෙන ඇත.

මෙම වැටලීමේදී බස් රථ වලින් කප්පම් ගන්නා නමගිය අයකු ද පොලිසිය අත්අඩංගුවට ගෙන තිබේ.

මෙසේ අත්අඩංගුවට පත් පිරිස දඹුල්ල, සේරුගස්යාය, කැකිරාව , මඩාටුගම පදිංචි කරුවෝ වෙති.

ඔවුන් සන්තකයේ තිබී ඊසි කෑෂ් ක්‍රමයට කුඩු පැකට් අලෙවි කරන ජංගම දුරකථන කිහිපයක් පොලිස් බාරයට ගෙන තිබේ.

විශාල මිල ගණන් දී මත්කුඩු මිලදී ගෙන සඟවා ගෙන සිටි දඹුල්ල  50  දෙනෙකු ඉකුත් සතියේ අත්අඩංගුවට ගෙන මේ වනවිට රක්ෂිත බන්ධනාගාර ගත කර තිබෙන බවත් පොලිසිය පවසයි.

අත්අඩංගුවට ගෙන ඇති තරුණියන් වයස අවුරුදු 22 සිට වයස අවුරුදු 32 දක්වා වූ විවාහක හා අවිවාහක  පිරිසක්  වෙති.