(එම් .සුසිල් ප්‍රියන්ත සහ පිටිගල ඩි.ජේ විජේසිංහ)
 
ඌරගස්මංහන්දිය බෝගහගොඩවත්ත බුලුගහහංදිය ප්‍රදේශයේදි අද(15) නිවසකට ඇතුළු වූ මංකොල්ලකරුවන් පිරිසක් තියුණු ආයුධවලින් කපා කොටා නිවැසි ව්‍යාපාරිකයකු ඝාතනය කර ඇති බව ඌරගස්මංහන්දිය පොලීසිය කියයි.
 
මෙසේ ඝාතනයවී ඇත්තේ ඌරගස්මංහන්දිය බෝගහගොඩවත්ත බුලුගහහංදිය පදිංචි 72හැවිරිදි රිල්ලපාල ලියනගේ විජයපාල  නමැති ව්‍යාපාරිකයෙකි.
 
එම තැනැත්තා සිය නිවසේ සිල්ලර බඩු වෙළඳසලක් පවත්වාගෙන යන අයෙකු බවත් ඔහුගේ නිවසේ වහලෙන් නිවසට  පැමිණි මංකොල්ලකරුවන් පිරිස තියුණු ආයධවලින් පහරදි මේ ව්‍යාපාරිකයා ඝාතනය කර ඇති බවත් පොලීසිය කියයි.
 
එම නිවසින් මංකොල්ලකරුවන් රුපියල් 60,000ක් මංකොල්ලා කා පලා ගොස් ඇති බවද පොලීසිය කියයි