(නිමල් ජයරත්න සහ ක.ග කරුණාරත්න )

පොළොන්නරුව මඩකලපුව ප‍්‍රධාන මාර්ගයේ වැලිකන්ද නාමල්ගම දී බස් රථයක් , වැන් රථයක් සහ පා පැදියක් ගැටී පාපැදිකරු මියගොස් බස් රථයේ ගමන් ගත් 19 දෙනකු තුවාල ලබා ඇතැයි වැලිකන්ද පොලිසිය කියයි.

තුවාල ලැබූවන් වැලිකන්ද හා පොළොන්නරුව රෝහල්වලට ඇතුළත් කළ බවද පොලිසිය පවසයි

පාපැදිකරුගේ බිරිඳ ද බරපතල තුවාල ලබා පොළොන්නරුව මහ රෝහලට ඇතුළත් කර ඇත.

අනතුරෙන් තුවාල ලැබූ 07 දෙනකු බරපතල තුවාල ලබා පොළොන්නරුව මහ රෝහලේ ප්‍රතිකාර ගන්නා අතර 12 දෙනකු වැලිකන්ද ප‍්‍රාදේශිය රෝහලෙන් ප‍්‍රතිකාර ලබා පිටව ගොස් ඇති බව පොලිසිය පවසයි.

අනතුරට හේතුව වැන් රථයේ රියදුරුගේ අපරික්ෂාකාරි රිය ධාවනය බවත් ඔහු මේ වන විට අත්අඩංගුවට ගෙන වැඩිදුර පරික්ෂණ කරන බව පොලිසිය කියයි.

ලංගම බස්රථය වෑන් රථයේ හැපීම  වළක්වා ගැනීමට යාමේදී බස්රථය පාරෙන් ඉවතට පැන පෙරළී ගොස් ඇති බව පොලීසිය පවසයි.