(සිතුම් චතුරංග)

බඳින තුවක්කුවක් පත්තුවීමෙන් තුවාල ලබා  ඕමන්ත, පාලමොට්ටෙයි වැව ආසන්නයේ අසාධ්‍ යතත්වයෙන් සිටි වල් අලියා වෙත අනුරාධපුර කලාප වනජීවී පශු වෛද්‍ය නිලධාරී චන්දන ජයසිංහ මහතා ඇතුළු විශේෂ වනජීවි නිලධාරී කණ්ඩායමක් අද (21)  ප‍්‍රතිකාර ලබාදීම ආරම්භ කළහ.

දින දහයක පමණ කාලයක් තුවාලය හේතුවෙන් අලියා පාලමොට්ටෙයි වැවතුළ බැස රැදී සිටියදී ප‍්‍රදේශවාසීන් විසින් වවුනියාව වනජීවී නිලධාරීන් දැනුවත් කිරීමෙන් පසු ප‍්‍රතිකාර ආරම්භ කරනු ලැබීය.

අවුරුදු 35 පමණ වන, උසින් අඩි අටක් පමණ වන මෙම අලියාගේ ඉදිරි පාදයේ බඳින තුවක්කුවක් පත්තු වී හටගත් තුවාලයක්  හේතුවෙන් මෙලෙස දින ගණනක් වේදනාවෙන් සිටි බව වවුනියාව වනජීවි කාර්යාලය පැවසීය.

වනජීවි නිලධාරීන් පැවසූයේ අලියාගේ එක් ඇසක පෙනීම ද අහිමිවී ගොස් ඇති බැවින් අලියාට ආහාර සොයාගැනීමේ අපහසුවක්ද පවතින බවයි.

බඳින තුවක්කුවක් පත්තුවීම හේතුවෙන් ඇවිදීමට බැරි තත්වයකින් සිටි වන අලියා ආහාර ලබාගැනීමට අපහසු වීම  හා තුවාලය හේතුවෙන් දුර්වල තත්වයක ද පසුවිය.