2023 පෙබරවාරි මස 09 වන බ්රහස්පතින්දා
බණ්ඩාරගම සම්බන්ධීකරණ කමිටුව මාස 10කින් කැඳවා නෑ
(බිමල් ශ්‍යාමන් ජයසිංහ)
බණ්ඩාරගම ප්‍රාදේශීය සභා සම්බන්ධීකරණ කමිටුව මාස 10ක පමණ කාලයකින් රැස් කිරීමට එම සභහපතිවරුන් අපොහොසත් වී ඇතැයි පවසමින් ප්‍රාදේශීය සභාවේ මන්ත්‍රීවරු පිරිසක් බණ්ඩාරගම ප්‍රාදේශීය ලේකම් කාර්යාලයේ ප්‍රධාන දොරටුව අභියස විරෝධතා පුවරු අතැතිව නිහඬ විරෝධතාවයක යෙදුනහ.
සම සභහපතිවරුන් දෙදෙනකු සිටින බණ්ඩාරගම ප්‍රාදේශීය සභා සම්බන්ධීකරණ කමිටුව රැස් නොකිරීමෙන් පරිසරය විනාශ වී සංවර්ධන අඩාල වී ඇතැයි විරෝධතා කරුවෝ පැවසූහ.
මන්ත්‍රීවරු පිරිස අද (15) ප්‍රාදේශීය ලේකම්වරයා හා සහකාර ප්‍රාදේශීය ලේකම්වරයා හමුවීමේ බලාපොරොත්තුවෙන් ප්‍රාදේශීය ලේකම් කාර්යාලයට පැමිණියද ඔවුහු දෙදෙනා පුහුණුවකට ගොස් සිටියහ.අනතුරුව පරිපාලන නිලධාරිනි පී.යු.කේ සොයිසා හා සහකාර සැලසුම් අධ්‍යක්ෂිකා ස්වර්ණා කුරුප්පු මහත්මිය හමුවට ගොස් සම්බන්ධීකරන කමිටුව පැවැත්වීමට අවශ්‍ය පියවර ගෙන ඇත්දැයි විමසූහ.
