(සිතුම් චතුරංග)

කොළඹ ප‍්‍රදේශයට ප‍්‍රවාහනය කිරීමට සූදානම් කර තිබූ බීඩි කොළ කිලෝ 385 සමඟ ධීවරයකු අද (25) උදෑසන මන්නාරම  ඕලූතුඩුවායි වෙරළ තීරයේ දී අත්අඩංගුවට ගත් බව මන්නාරම පොලිසිය කියයි.

නීති විරෝධීව ඉන්දියාවේ සිට රැගෙනවිත් ප‍්‍රවාහනය කිරීමට සූදානම් බීඩි කොළ ජාවාරමක් සම්බන්ධයෙන් මන්නාරම මූලස්ථාන ප‍්‍රධාන පොලිස් පරීක්ෂක ක‍්‍රිෂාන්තන් මහතා වෙත ලැබුණ තොරතුරකට අනුව මන්නාරම කොට්ඨාස දූෂණ මර්දන අංශයේ නිලධාරීන් සිදුකළ වැටලීමක දී බීඩි කොළ තොගය සහ සැකකරු අත්අඩංගුවට ගත් බව පොලිසිය පවසයි.

සැකකරු ඉන්දියාවේ සිට ධීවර බෝට්ටු මාර්ගයෙන් බීඩි කොළ මන්නාරම  ඕලූතුඩුවායි වෙරළ තීරයට රැගෙනවිත් මාළු වාඩියක සඟවා පසුව ලොරි රථයකින් කොළඹ ප‍්‍රදේශයට ප‍්‍රවාහනය කිරීමට සූදානම් කර තිබූ බවට විමර්ශනවලදී අනාවරණය වූ බවද පොලිසිය සඳහන් කළේය.

සොයාගත් බීඩි කොළ තොගය පොලිතින් මළු 12ක් තුළ අසුරා තිබූ බවත් එහි වටිනාකම රුපියල් ලක්ෂ 18 ඉක්ම වන බවද පැවසීය.

අත්අඩංගුවට ගත් සැකකරු අනුරාධපුර, නොච්චියාගම ප‍්‍රදේශයේ පදිංචි  49 හැවිරිදි පුද්ගලයෙකි.