(අමදෝරු අමරජීව)
 
සාම්පුර් පාවුල් තුඩුව මුහුදේ පුපුරණ ද්‍රව්‍ය යොදා මසුන් ඇල්ලූ සැකකරුවන් දෙදෙනෙකු  නාවික හමුදාව විසින් අත්අඩංගුවට ගෙන ඇත.  
 
මාළු තොගය, යාත්‍රාව, එන්ජිම සමඟ සැකකරුවන් වැඩිදුර පරීක්ෂණ සඳහා චීනවරාය පොලිසියට භාරදී ඇත.
 
ශ්‍රි ලංකා නාවික නෞකා “මහවැලි“ කඳවුරේ නිලධාරීන් ලද තොරතුරකට අනුව චීනවරාය වෙරළේ  රැක සිටි භට පිරිස් මොවුන් අත්අඩංගුවට ගත්හ.
 
සැකකරුවන් සතුව තිබී බෝල්ලා නැමැති මසුන් කිලෝග්‍රෑම් 251ක් සමඟ කිමිදුම් උපකරණ පොලිසිය බාරයට ගෙන තිබේ. 
 
අත්අඩංගුවට ගත් සැකකරුවන් දෙදෙනා කින්නියා ප්‍රදේශයේ  පදිංචිකරුවන් බව පොලිසිය කියයි.
 
අත්අඩංගුවට ගත් මාළු, යාත්‍රාව හා සැකකරුවන් ත්‍රිකුණාමලය මහේස්ත්‍රාත් අධිකරණයට ඉදිරිපත් කිරිමට  නියමිතය.